NUTAARSIASSAT

Inuit innarluutillit politikkiat pillugu ataatsimeersuarneq ornigarneqarluarpoq politikkikkullu tigussaasunik siunnersuutinik malitseqartinneqarpoq
25.05.2023

Ilulissani Tiliup inuit innarluutillit politikkiat pillugu ataatsimeersuartitsinera arlalippassuarnik tigussaasunik politikkikkut siunnersuutinik malitseqartitsivoq, paasititsiniaanermik aallarniisoqarpoq aamma Naalakkersuisumit Mimi Karlsenimit neriorsuipajaartoqarluni.

Atuaruk
#taasinerittitusindtit: Inuit innarluutilinnut politikki agusaqarfigineqarusuttoq pillugu oqaluttuarisaanermut ilannguttussanngortumik inuppalaartumik paasititsiniaaneq Kalaallit Nunaanni aallartinneqalerpoq
16.05.2023

Nuna tamakkerlugu paasititsiniaaneq nutaaq inuit innarluutillit pisinnaatitaaffiinik politikkikkut oqaluuserineqassaaq.

Atuaruk
Nunatsinni innarluutinnik sumiginnaaneq pissutigalugu kajumissuserinngisamik Danmarkimut nuuttoqartarpoq
15.05.2023

Politikerit isumaqarpata, kalaallit Danmarkimut nuuttarnerat ajortarsiutaasoq taava innarluutilinnut sullissineq pingaartinnerulertariaqarpaat. Pisortat inunnik innarluutilinnik sumiginnarnerat pissutigalugu kajumissuserinngisamik Danmarkimut nuunnermik kinguneqartarpoq. Uannga: Anja Hynne Nielsen, Nunatsinni inuit innarluutillit illersuisuat

Atuaruk

ILISIMASASSAT PITSAASUT

Inuit innarluutillit allatulli periarfissaqassapput. Ilinniagaqarnissamut suliffeqarnissamullu. Taamaalillutik peqqissumik nuannersumillu inuuneqarniassammata. Inuiaqatigiinni inooqataaniassagamik – peqatigiiffinni allanilu kulturikkut sammisaqarfiusuni

Arlaannik atortussannik itigartitaaguit, assersuutigalugu ikorfartorteqarnissat allamilluunniit kommuunimit pisortaqarfimmiluunniit ajornarsaarunneqaruit ima pisinnaatitaaffeqarputit:

  • Pisinnaatitaavutit paasissallugu nassuiaatitalimmik pisortat aalajangiinerat sumik tunngaveqarluni aalajangigaanersoq
  • Pisinnaatitaavutit aalajangiineq pappiaqqamut naqitanngorlugu pinissaa
  • Pisortat pisussaaffigaat naammagittaalliorniaruit innersuutissallutit maalaarnissamut suut periarfissat aqqutissaanersut
  • Suliaq ilinnut tunngasoq inunnik isumaginnittoqarfiup maalaartarfianut suliassanngortissinnaavat.

Inunnik isumaginninnikkut maalaartarfeqarpoq. Inunnik isumaginnittoqarfimmut tunngasumik kommuunillu ilinnut tunngasumik suliami aalajangigaa naammaginngikkukku maalaartarfimmut suliassanngortitsisinnaavutit.

Soraarnerussutisiassat pillugit aamma inunnik isumaginnittoqarfimmut, ilaqutariinnermut, naligiisitaanermut inatsisinillu atortitsinissamik naalakkersuisoqarfimmut maalaaruteqarsinnaavutit.

Qanoq maalaaruteqarsinnaanerit Isumaginninnermi Naammangittaalliuuteqartarfiup nittartagaa aua.gl/isumaginnittoqarneq iserfigalugu annertunerusumik atuarsinnaavat.

Immikkut isumaqatigiissuteqarluni ajornanngilaq meeqqat atuarfianni naliliffigisassamik misilitsinnissaq. Namminersorlutik oqartussat nalunaarusiaat nr. 3 af 9. Januar 2009-imeersoq § 24 naapertorlugu Meeqqat atuarfianni naliliiffigisassamik soraarummeerneq:

”atuarfiup pisortaa atuartunut timimikkut imaluunniit eqqarsartaatsikkut pisinnaasakinnerusunut imaluunniit aalajangersimasunik allatigut ajornartorsiuteqartunut misilitsinnermi immikkut atugaqartitsinissamik neqerooruteqassaaq, misilitsinnerup naammassinissaanut atuartut taakku, atuartunut allanut naligiissinneqarnissaasa taamaaliornissaq pisariaqartilerpassuk.” Uani inatsit takusinnaavat.

Allagaatinik takunnikkumallutit qinnutigisinnaavat, kissaatigigukku kommuunimi ilinnut suliaq pillugu takunnikkusukkuit. Taama iliorsinnaavutit saaffiginnissutit qisuariarfigineqanngippat, imlt. Suliaq sumut killinnersoq nalugukku kommuunimilluunniit akineqarneq ajornerit pillugu takunnikkumallutit qinnuteqarsinnaatitaavutit.

Qulaani videomi takutinneqarpoq, FN’ip innarluutillit pillugit isumaqatigiissutaa aamma inuit innarluutillit pisinnaatitaaffii. Video kalaallisut nipitaqarpoq. Qallunaatut allagartalersugaalluni. Videomi arnaq ussersorluni oqaaseqartuuvoq.

Isumaqatigiissutip imarisaa oqariartuutigineqarput, soorlu pisinnaatitaaffiit suunersut. Inuiaqatigiinni inunnut innarluutilinnut akimmiffiit piiarneqassasut allat assigalugit periarfissaqarniassammata.

Soorlu atuarsinnaatitaaneq. Suliffeqarsinnaatitaaneq. Sunngiffimmi sammisassanut peqataasinnaatitaaneq. Annersarneqarnissamut illersorneqartussaatitaaneq. Sunniuteqarsinnaatitaaneq. Angerlarsimaffeqarsinnaatitaaneq, namminerlu najugareqatigerusutat toqqarsinnaaneri. Allatuulli namminerisamik inuuneqarnissamut tapersersorneqarsinnaatitaaneq. Isumaqatigiissut ilinnut tunngasoq, illit pisinnaatitaaffitit. uani aamma takusaqarit: www.pisinnaatitaaffikka.gl

Tiliup periusissiaa 2021-2023

Tiliup inuit innarluutillit pisinnaatitaaffiinik siuarsaallunilu eqqortinneqarnissaannik suliniuteqarpoq, tassa inuit innarluutillit allat naligalugit ataqqinartumik inuuneqarniassammata inuiaqatigiinnilu allatuulli peqataatillutik.

Periusissiaq