Immikkoortoq 18 – Kikkut tamarmik sumiluunniit angalanissamut pisinnaatitaapput

Inuit innarluutillit sumilluunniit kiffaanngissuseqarlutik nikerarnissamut angalasinnaatitaaffeqarput. Allat naligalugit sumiluunniit nunaqarlutillu inuunissartik namminneq aalajangertussaavaat.

Inuit innarluutillit namminneq nunartik qimallugu allamulluunniit nunamut aallarsinnaatitaapput. Inuit innarluutillit innarluuteqarnerat piinnarlugu nunaannut uteqqunagit pinngitsaalineqarsinnaanngillat.

Inuit innarluutillit passimik allanillu inuttut uppernarsaatinik pappiaraqarnissamut pisinnaatitaaffeqarput. Allat naligalugit inuit innarluutillit nunamut sumulluunniit nuussinnaatitaapput tassanilu innuttaassuseqalerlutik. Inuit innarluuteqarnerat piinnarlugu nuna tikitaq itigartitsissuteqarsinnaatitaanngilaq.

Meeqqat innarluutillit inunngornerminni ateqarnissamut innuttaassuseqarnissamullu pisinnaatitaaffeqarput. Meeqqat innarluutillit ajornanngimmat angajoqqaaminni paaqqutarineqarnissaq pisinnaatitaaffigaat.