Immikkoortoq 19 – Kikkut tamarmik inuuneq inuuffigissallugu inuiaqatigiinnilu akuunissamut pisinnaatitaapput
Namminersorlutik Oqartussat isumagisussaavaat inuit innarluutillit allat naligalugit inuiaqatigiit iluanni assigiimmik innuttaaqataasutut periarfissaqartitaanerat isumagissallugu.
Tamanna isumaqarpoq:
- Inuit innarluutillit allat naligalugit sumi kikkullu najugaqatigiumanerlugit namminneq aalajangissallugu pisinnaatitaaffigaat.
- Inuit innarluutillit angerlarsimaffimminni ikiorserneqarnissamik ikorfartorneqarnissamillu pisinnaatitaaffeqarput. Amma inuiaqatigiinni inooqataanissamut ikiorneqarnissamullu pisinnaatitaaffeqarput.
- Namminersorlutik Oqartussat isumagisassaraat allat naligalugit inuit innarluutillit neqeroorfigineqartarnissaat sulissutigissallugu.
Isumaqatigiissut isumaqarpoq: Namminersorlutik Oqartussat inuit innarluutillit innarluuteqarnerat piinnarlugu aalajangersinnaanngilaat immikkut ittumi paaqqinnittarfimmi inissiisarfimmiluunniit innarluutillip inissinneqarnissaanik. Namminersorlutik Oqartussat isumagisussaavaat inuit innarluutillit ilaquttami illoqarfianni najugaqarusuppat ikiorsiillutillu ikorfartorneqarnissamik pisariaqartitaanik ikiorsiissallutik.