Immikkoortoq 20 – Kikkut tamarmik sumulluunniit orniguffissanut tikilluaqqusaapput
Inuit innarluutillit allat naligalugit sumiluunniit inuiaqatigiit orniguttarfiannut peqataanissartik pisinnaatitaaffigaat.
Tamanna isumaqarpoq:
- Namminersorlutik Oqartussat inuit innarluutillit ajornanngitsumik sumulluunniit ornigussinnaanerat isumagissallugu. Inuit innarluutillit namminneq aalajangigassarivaat sumut qanorlu ornigukkusunnerlutik.
- Namminersorlutik Oqartussat inunnut innarluutilinnut ikiortarialinnut suulluunniit ikiorsiissutit inunnilluunniit ikiuisinnaasunik kikkunnit tamanit akilerneqarsinnaasumik akikitsumillu ikiorsiinissamut aqqutissiuisussaapput.
- Namminersorlutik oqartussat, inuit innarluutillit ikiortillu ilinniartinneqarnissaat suut aqqutissat pisariitsut atorneqarsinnaaneri sulissutigissallugu.
- Namminersorlutik Oqartussat suliffeqarfinnut namminersortunut kajumissaaruteqartariaqarput, inuit innarluutillit ikiorniarlugit nutaanik ikiorsiissutinik ineriartortitseqataaqqullugit.
Isumaqatigiissut isumaqarpoq:Inuit innarluutillit ajornanngitsumik illoqarfiit bussiinut, taxanut, timmisartunut umiarsuarmullu ikillunilu niunissamut aqqutissiuunneqartariaqarput. Inuit innarluutillit uloriananngitsumik umiarsuarmiit nunamut ikaarsinnaasariaqarpoq.