Immikkoortoq 23 – Kikkut tamarmik ilaqutaqarnissamut angerlarsimaffeqarnissamullu pisinnaatitaapput

Inuit innarluutillit katissinnaapput, allatulli ilaqutaqarlutik meeraqarsinnaatitaapput. meeraqarlutillu meeraqarsinnaatitaapput.

Tamanna isumaqarpoq:

  • Inuit innarluutillit pisinnaatitaaffigaat, namminneq aalajangissallugu meerartaarusunnerlutik, qassinik meeraqarusunnerlutik qaqugulu meerartaarusunnerlutik.
  • Inuit innarluutillit akuersiseqqaarnagit naartusinnaajunnaartinneqarsinnaanngillat.
  • Angajoqqaat innarluutillit meeqqamik najugaqatigisinnaanerannut pisinnaatitaaffeqarput. Meeqqamik perorsarnissaanut ikiortariaqarunik tapersersorneqarnissamullu pisariaqartitsineq naapertorlugu ikiorneqartussaapput. Tamatigut meeqqamut ajunnginnerusussaq ujartorneqartariaqarpoq.
  • Meeqqat innarluutillit allatulli ilaqutaqarnissamut pisinnaatitaaffeqarput. Namminersorlutik Oqartussat tamanna pillugu paasissutissiisarnissaq sulissutigissavaat, meeqqat innarluuteqarnertik pillugu toqqorterneqannginnissaat, qimanneqannginnissaat innarluuteqartuunertilluunniit pillugu allanut tunniunneqannginnissaat pinaveersaarumallugu.
  • Meeqqat innarluutillit angajoqqaamik najugaqatiginissaannut pisinnaatitaaffeqarput. Meeraq angajoqqaaminit avissaartinneqassanngilaq innarluuteqartuunini angajoqqaavisaluunniit innarluuteqarnerat piinnarlugu. Meeqqamut pitsaanerusussaq tamatigut nalilersorneqartassaaq.