Immikkoortoq 24 – Kikkut tamarmik ilinniagaqarsinnaatitaapput
Inuit innarluutillit ilinniagaqarnissamut pisinnaatitaaffeqarput. Namminersorlutik oqartussat nunap ilinniagaqarfiini atuarfiit tikikkuminartuunissaat isumagisussaavaat. Allat naligalugit inuit innarluutillit atuartinneqarnissamut periarfissaqartariaqarput.
Inuit innarluutillit ineriartornissaminnut inuiaqatigiinnilu sumut suliffinnut piukkunnassuseqarnissartik pisinnaatitaaffigaat.
Inuit innarluutillit innarluuteqarnertik pillugu ilinniagaqarnissamut mattusimaneqassanngillat.
Meeqqat innarluutillit illoqarfigisaminni allatulli akeqanngitsumik tunngaviusumik atuartinneqarnissaq pisinnaatitaaffigaat.
Inuit innarluutillit atuartinneqarnerminnut atatillugu pisariaqartitsigunik tapersersorneqarlutillu ikiorserneqarnissamillu pisinnaatitaaffeqarput.
Namminersorlutik Oqartussat tappiitsunik, tappiillutillu tusilartunik atuartitsinermi attaveqaataasinnaasut ilinniartitsup atuartumut pitsaanerpaamik atuartitsisutigisinnaasai ussersornerit, toornerillu naqitat sakkussat atorsinnaasaat isumagisussaavaat.
Namminersorlutik oqartussat inuit innarluutillit nunatsinni ilinniartitsisunik atuartinneqarsinnaanerat isumagisussaavaat.
Inuit innarluutillit allat naligalugit ilisimatusarfinni allanilu inersimasut atuarfiini atuartinneqarsinnaaneq pisinnaatitaaffigaat.
Ilisimaviuk… 2018-imi misiliutaasumik inuit innarluutillit GUX-imi atuartinneqarsinnaanerat pilersinneqarmat. GUX-i aqqutigalugu ilinniarnertuutut atuartut pisariaqartitaat tunngavigalugu ingerlaqqittoqarsinnaavoq. Tassani periarfissaavoq ataasiakkaatut immikkullu ikiortariaqartut atuartinneqarsinnaallutik.