Immikkoortoq 25 – Kikkut tamarmik peqqissuunissamut pisinnaatitaapput
Inuit innarluutillit allat naligalugit nakorsamut napparsimavinnut allanullu peqqinnissaqarfiup iluani ikiorserneqarnissamut pisinnaatitaaffeqarput. Inuit innarluutillit innarluuteqarnertik pillugu ikiorserneqarsinnaanngitsutut pineqartussaanngillat.
Inuit innarluutillit pisariaqartitsinertik naapertorlugu peqqinnissaqarfimmit ikiorneqarnissamik pisinnaatitaaffeqarput. Inuit innarluutillit aamma allanik innarluuteqalinnginnissamik pinaveersaarutaasinnaasunik peqqinnissaqarfimmit ikiorserneqarnissartik pisinnaatitaaffigaat. Namminersorlutik Oqartussat inuup innarluuteqartup angerlarsimaffianut qanittumi ikiorsiinissaq sulissutigissallugu isumagisassaraat.
Inuit innarluutillit allat naligalugit peqqinnissaqarfimmi sulisunit ataqqineqarlutik ikiorserneqartarnissartik pisinnaatitaaffigaat. Peqqinnissaqarfimmi sulisut sygeplejerskiusinnaapput, angerlarsimaffimmi ikiortit nakorsalluunniit. Namminersorlutik Oqartussat isumagisussaavaat, peqqinnissaqarfinni sulisut inunnik innarluutilinnik suliaqarnissamut ilisimasaqarnissaat pisinnaatitaaffii pisariaqartitaannillu suliniuteqartassallutik.
Inuit innarluutillit namminneq aalajangertartussaavaat peqqinnissaqarfimmit ikiorneqarusunnerlutik.
Inuit innarluutillit nappasimalersinnaanermut sillimateqarnissamut inuunermilu katersanik sillimateqarnissamut innarluuteqarnertik pillugu itigartinneqarsinnaanngillat.