Immikkoortoq 27 – Kikkut tamarmik suliffeqarsinnaatitaapput

Inuit innarluutillit allatulli suliffeqarnissamut pisinnaatitaaffigaat. Suliffissaqartisiniartarfik inunnut innarluutilinnut tikikkuminartuussaaq. Suliffimmi avatangiisit pitsaasuussapput. Kikkut tamat ajunngitsumik naligiimmillu pineqarnissaannik isumaqarpoq.

Namminersorlutik Oqartussat isumagisussaavaat, inuit innarluutillit innarluuteqarnertik pillugu immikkoortinneqartannginnissaat anguniarlugu sulissuteqarnissaq. Assersuutigalugu atorfininnermi atorfimmilu qaffasissumik inissinneqarnissamut akimmisaarutaassanngilaq inuttut innarluuteqarneq.

Inuit innarluutillit allat naligalugit assigiimmik akissaasersorneqarlutillu suliffimmi atugassarititaasunik pineqarnissartik pisinnaatitaaffigaat. Suliffimmi peqatigiiffinnut ilaasortaanissaq aamma pisinnaatitaaffigaat.

Namminersorlutik Oqartussat, inuit innarluutillit pisortani suliffeqarfinnilu namminersortuni sulilernissaat suliffimmillu paarsiinnarnissaat sulissutigissallugu.

Namminersorlutik Oqartussat inunnik innarluutilinnik sulisoqartitsinissaq suliniutigisusaavaat.

Namminersorlutik oqartussat qulakkeertussaavaat, inuit innarluutillit taakkununngalu tulluartunik suliffinnik akisuallaanngippata pilersitsinissaq.

Namminersorlutik Oqartussat inuit innarluutillit suliffeqarfinni namminersortuni sulisinnaanerat suliniutigissavaat, suliffeqarfiillu namminersortut inunnik innarluutilinnik sulisoqarnermikkut ajunngitsorsiaqarsinnaanerat sulissutigalugu.

Inuit innarluutillit allat naligalugit ilinniagaqarnissamut, ilinniagaqaqqinnissamut suliffinnullu qinnuteqarnissamut ilitsersuunneqarnissartik pisinnaatitaaffigaat.

Inuit innarluutillit pinngitsaalillugit sulisinniarneqassanngillat.