Immikkoortoq 29 – Kikkut tamarmik politikkikkut sammisaqarnissamut ilaasinnaatitaapput

Inuit innarluutillit allatulli politikkimik sammisaqarnissamut pisinnaatitaaffeqarput. Tamanna Namminersorlutik oqartussat isumagisassaraat sulissutigissallugu.

Inuit innarluutillit qinersinerni tamani taasisinnaatitaapput. Namminersorlutik Oqartussat isumagissavaat, inuit innarluutillit qinersivinnut ornigussinnaanerat sulissutigissallugu. Qinersineq pillugu paasiuminartumik paasissutissiisoqartassaaq. Inuit innarluutillit namminneq toqqagartik qinersinermi taanissaanut ikiorserneqartussaapput.

Inuit innarluutillit qineqqusaarnerni sassarsinnaanermut pisinnaatitaaffeqarput. Namminersorlutik Oqartussat isumagissavaat, inuit innarluuteqartut qineqqusaarnermi peqataaneranni qinerneqarlutik iserpata allatulli pineqarnissaat sulissutigissallugu. Inuit innarluutillit qinersinermi iserlutik sulinissaannut atortunik politikkikkut sulinerminni ikiorserneqarnissamut pisinnaatitaapput.

Inuit innarluutillit peqatigiiffinni politikkikkullu partiini sunilluunnit sulinissamut pisinnaatitaaffeqarput.

Inuit innarluutillit innarluutillit peqatigiiffiannik nutaanik pilersitsinissaannut, peqatigiiffinnulluunniit pioreersunut suleqataanissamut pisinnaatitaaffeqarput. Inuit innarluutillit peqatigiiffianni sulinerminni atukkatigut, piffinni, nunami piffinni assigiinngitsuni, inuiaqatigiinni nunallu assigiinngitsut akimorlugit suleqataaffiginissaanut pisinnaatitaaffeqarput.