Immikkoortoq 30 – Timersorneq, kulturi sunngiffimmilu sammisaqarnissaq kikkut tamarmik pisinnaatitaaffigaat
Inuit innarluutillit allatulli kulturimi pikialaarfinni assigiinngitsuni ilaasinnaapput. Namminersorlutik Oqartussat maku suliniutigissavaat:
- Inuit innarluutillit eqqarsaatigalugit atuakkat tigoriaannaat neqeroorutigissallugit.
- TV, filmit, allallu kulturimut attuumassuteqartut, filmeriartarfiit, atuakkanik atorniartarfinnut takornariaqarnikkullu allanik orniuffiusartut iserfigineqarsinnaaneri isumagissallugit sulissuteqarneq.
Namminersorlutik Oqartussat isumagissavaat, inuit innarluutillit sapinngisamik piginnaasakkut soqutigisaqarnissaat eqqumiitsulianillu suliaqarnissaat sulissutigissallugu. Tamanna inuit innarluutillit inuiaqatigiinnullu iliaqutaanissaa siunertaralugu suliniutaasariaqarpoq.
Namminersorlutik oqartussat inuit innarluutillit kulturi aqqutigalugu oqaatsitigut assigiinngitsunik atuisuusinnaaneri ataqqillugillu tapersersugassagivaat. Namminersorlutik Oqartussat ussersorluni attaveqarneq tusilartullu atugaannik tapersersuillunilu ataqqinnittussaavoq.
Inuit innarluutillit timersornermut allanullu sunngiffimmi sammisanut peqataanissamut pisinnaatitaaffeqarput.
Namminersorlutik Oqartussat maku suliniutigissavaat:
- Inuit innarluuteqartut sunulluunniit timersuutinut nalinginnarnut peqataanissamut periarfissat
- Inuit innarluuteqartut innarluutilinnut tulluarsakkamik timersornikkut sammisassaqartitsiviusunut allanullu sukisaarsarfissanut periarfissiineq.
- Inuit innarluuteqartut sunngiffimmi piffinnut assigiinngitsunut ilaasinnaasut, timersortarfinnut sissanut arsaattarfinnullu periarfissaqartariaqarput.
- Inuit innarluutillit allat meeqqat assigalugit, pinnguarlutik, timersorlutik, sunngiffimmilu sammisaqarsinnaanerat immikkut taakkununnga pingaaruteqaqimmat suliniutaajuarnissaa anguniarneqartariaqarpoq.