Immikkoortoq 8 – Paasissutissiuineq
Namminersorlutik Oqartussat isumagisussaavaat inuiaqatigiinni kikkunnut tamanut inuit innarluutillit taakkualu inuunerat pillugit annertuumik qaammarsaaqataanissaq sulissutigissallugu. Namminersorlutik Oqartussat inuit innarluutillit immikkoortinneqaratik inuiaqatigiit iluanni akuutinneqarlutik inuunissaat illersortuagassaraat.
Tamanna ilaatigut ima paasineqassaaq:
- Namminersorlutik Oqartussat sulissutigissavaat inuit innarluutillit allatulli inuiaqatigiinni piginnaaneqarlutik tunniussaqarsinnaanerat tamanut paasititsiniutigissallugu.
- Namminersorlutik oqartussat pisussaafigaat inuit innarluutillit pisinnaatitaaffii pillugit paasissutissiisarnissaq sulissutigissallugu. Assersuutigalugu meeqqat ilinniartinneqartassasut inuit innarluutillit ataqqineqartarnissaannik taakkualu pisinnaatitaaffeqarnerannik.
- Namminersorlutik Oqartussat radio, tv aviisillu atorlugit inuit innarluutillit inuit allat naligalugit inuiaqatigiinni innuttaaqataanerisa takusassiarineqartarnissaat kaammattuutigisariaqarpaa.
- Namminersorlutik Oqartussat inuit innarluutillit pillugit atuarfeqarfiit ilinniarfeqarfiillu tamarmik atuartitaminnut inuit innarluutillit pisinnaatitaaffii pillugit atuartitsissuteqartarnissaa kaammattuutigissagaat.