Illersuisup suliassai

Inuit Innarluutillit illersuisuat aalajangersakkanik suliniutissanillu nutaanik innersuussuteqarsinnaavoq, inatsisitigut patajaatsumik inuit innarluutillit atugassarititaannut aaqqiissuteqarnissaq aaqqiagiinngitsutilluunniit inuit innarluutillit inuiaqatigiinnilu pissutsit pillugit ingerlatsinissaq ajunnginnerusoq nukittorsarniarlugu siunnersuusiorfigisinnaavaai.

Inuit Innarluutillit illersuisuat tusarniaaffittut aaliangersimareersuuneq tunngavigalugu inatsisiliassat, nalunaarusiornerit inuit innarluutilinnut pilersaarutit pillugit nammineq nalilersuisinnaavoq taakkulu tunngavigalugit nassuiaateqarsinnaalluni.

Inuit innarluuteqarnertik peqqutigalugu navianartorsiortinneqarsinnaasut inuillu innarluutillit immikkut pisariaqartitsisut atugaat pillugit pingaarnertut Innarluutillit illersuisuata eqqumaffigisussaavai.

Inuit innarluutillit siunnersorneqarnissartik ilitsersorneqarnissartillu pisariaqartittarpaat, inuttut pisinnaatitaaffeqarnertik imminullu ajunngitsussaq anguniarlugu iluaqutigisinnaasaminnik.

Pissutsit piffiit ilaani soorlu peqataatitsiniarnermi oqartussaaqataanermullu tunngasut qulakkeerlugit atuutinniarneri amigartutut misinnarsinnaapput.

Tamanna tunngavigalugu Innarluutillit illersuisuata piffinni suni equngasoqarnera misissuiffigisassavaa paasiniarlugu inuit innarluutillit pisinnaatitaaffiisa sutigut sanngiiffeqarnera qulaajassallugu politikkerinut, pisortanut innuttaasunullu ingerlatitseqqiinissaq anguniarlugu.

Inuit Innarluutillit illersuisuata inuit innarluutillit atugaannut tunngasut pisinnaatitaaffiit soqutigisallu Ingerlatsivinni akisussaaffigineqartut taakku sinnerlugit ingerlassinnaanngilai. Innarluutillit illersuisuata Ingerlatsivinni pitsaanerusumik akisussaassuseqartumillu sullissinissaq anguniarlugu atorfini aqqutigalugu sunniiniarsinnaallunilu sunniuteqarsinnaavoq.

Suulluunniit inuit innarluutillit pisinnaatitaaffinnut siunnersorneqarnikkut ilitsersorneqarnermullu tunngasut ersarissumik pitsaasumillu atorneqarsinnaasut pillugit Innarluutillit illersuisuata suliassaanut ilaapput.

Inuit Innarluutillit illersuisuat nammineerluni qanoq iliuuseqarsinnaavoq imaluunniit saaffiginninnerit aallaavigalugit. Kikkulluunniit Innarluutillit illersuisuannut saaffiginnissinnaatitaapput. Inuit innarluutillit salliunneqarlutik sullinneqassapput.

Skip to content
Skip to toolbar