Tilioq Qaanaamut angalammat allaffik matoqqavoq
Inuit Innarluutillit Illersuisuat Christina Johnsen Tiliumilu sulisut Qaanaamut maajip 19-ani aallarput, maajip 20-ani Qaanaamut tikissallutik. Inuit innarluutillit illersuisuat Christina Johnsen aamma Tiliumi allatseqarfimmi sulisut Qaanaamut paasisassarsiorlutik angalapput. Allaffik saaffiginni
Nanortalimmit nutaarsiassaq nuannersoq
Nanortalimmiu Hans Lothsen Semsen nuannersumik nutaarsiassaateqarpoq, tassami angerlarsimaffia kaassuartakkamik issiavianut naleqqussarneqarpoq. –Nuannaaqaanga ajornaquteqanngitsumik inimiit, iggavimmut silammullu ingerlasinnaanngorama, Hans oqarpoq nassuiaallunilu innaallagiatortumik kaassuart
Qaanaami pisussat
Inuit innarluutillit illersuisuata Christina Johnsenip Tiliullu Qaanarmiunut sammisassaqartitsinissanut pilersaarutaat: Inuit innarluutillit illersuisuat Christina Johnsen Narsami innuttaasunut inuit innarluutillit pisinnaatitaaffii pillugit augustimi 2019-imi saqqummiivoq. taamatut aamma pilersa
INATSISIT INNARLUUTILINNUT
Inatsisit inunnut innarluutilinnut attuumassutillit assigiinngitsut una iserfigalugu atuarsinnaavatit, soorlu tapersersorneqarnissamut imaluunniit najugaqatigiiffinnik neqeroorutinut tunngasut.
SULINIUT: SULISINNAAVUNGA
Tiliup Qeqqata Kommuniatalu suliffeqarnermut misiliummik suliniutaanni suliat uani takusinnaavatit.
ATUFFASSISSUT MARTA
Atuffassissut marta Martha kalaallisut nipilik naqinnerit nipinitsissinnaanngorlugit Atortussiatut pilersitaavoq. Atuffassisussaliatut pilersitaanngilaq, Programilli allat atorlugit nipitalersuutillit naqinnerit atuarneqarsinnaapput.
TILIOQ YOUTUBE
Tilioq youtubemi kanale-qarpoq, tassani takutitassiat inuit innarluutillit pisinnaatitaaffiinut tunngasut, paasisitsiniut "Sulisinnaavunga" aamma pisunit aalasuliat takuneqarsinnaapput
Illit ilisimaviuk
Inuit innarluutillit allatulli periarfissaqassapput. Ilinniagaqarnissamut suliffeqarnissamullu. Taamaalillutik peqqissumik nuannersumillu inuuneqarniassammata. Inuiaqatigiinni inooqataaniassagamik – peqatigiiffinni allanilu kulturikkut sammisaqarfiusuni
Arlaannik atortussannik itigartitaaguit,
Assersuutigalugu ikorfartorteqarnissat allamilluunniit kommuunimit pisortaqarfimmiluunniit
Arlaannik ajornarsaarunneqaruit ima pisinnaatitaaffeqarputit:
1) Pisinnaatitaavutit paasissallugu nassuiaatitalimmik pisortat aalajangiinerat sumik tunngaveqarluni aalajangigaanersoq
2) Pisinnaatitaavutit aalajangiineq pappiaqqamut naqitanngorlugu pinissaa
3) Pisortat pisussaaffigaat naammagittaalliorniaruit innersuutissallutit maalaarnissamut suut periarfissat aqqutissaanersut
4) Suliaq ilinnut tunngasoq inunnik isumaginnittoqarfiup maalaartarfianut suliassanngortissinnaavat.
Inunnik isumaginninnikkut maalaartarfeqarpoq. Inunnik isumaginnittoqarfimmut tunngasumik kommuunillu ilinnut tunngasumik aalajangigaa naammaginngikkukku maalaartarfimmut suliassanngortitsisinnaavutit. Soraarnerussutisiassat pillugit aamma inunnik isumaginnittoqarfimmut, ilaqutariinnermut, naligiisitaanermut inatsisinillu atortitsinissamik naalakkersuisoqarfimmut maalaaruteqarsinnaavutit. Qanoq maalaaruteqarsinnaanerit namminersorlutik oqartussat nittartagaa iserfigalugu annertunerusumik atuarsinnaavat.
Immikkut isumaqatigiissuteqarluni ajornanngilaq meeqqat atuarfianni naliliffigisassamik misilitsinnissaq.
Namminersorlutik oqartussat nalunaarusiaat nr. 3 af 9. Januar 2009-imeersoq § 24 naapertorlugu
Meeqqat atuarfianni naliliiffigisassamik soraarummeerneq:
”atuarfiup pisortaa atuartunut timimikkut imaluunniit eqqarsartaatsikkut pisinnaasakinnerusunut imaluunniit aalajangersimasunik allatigut ajornartorsiuteqartunut misilitsinnermi immikkut atugaqartitsinissamik neqerooruteqassaaq, misilitsinnerup naammassinissaanut atuartut taakku, atuartunut allanut naligiissinneqarnissaasa taamaaliornissaq pisariaqartilerpassuk.”
Allagaatinik takunnikkumallutit qinnutigisinnaavat, kissaatigigukku kommuunimi ilinnut suliaq pillugu takunnikkusukkuit. Taama iliorsinnaavutit saaffiginnissutit qisuariarfigineqanngippat, imlt. Suliaq sumut killinnersoq nalugukku kommuunimilluunniit akineqarneq ajornerit pillugu takunnikkumallutit qinnuteqarsinnaatitaavutit.
Play Video
Tiliup Suliaa Tapersersoruk
Uani Tiliup suliaai tapersersorlugit tapiisinnaavutit Inuit Innarluutillit pisinnaatitaaffiisa Kalaallit Nunaannilu atugassarititaasut pitsanngorsarniarnerini. Una toortagaq toorlugu ‘Tilioq tapersersoruk’. Tunissutinut tamanut qujareerluta.
