Ersinngitsumik innarluutinga

Nunatsinni Inuit Innarluutillit Kattuffiat (NIIK) Tilioq aamma Pissassarfik suleqatigalugit paasisitsiniut “Ersinngitsumik innarluutinga” suliaraat. 

Inuit assigiinngitsut arfineq pingasut imaaliallaannaq takuneqarsinnaanngitsumik innarluuteqarluni inuuneq pillugu oqariartuuteqarput.

Assersuutitut tarnikkut innarluutigineqarsinnaapput, taakkulu imaaliallaannaq takuneqarsinnaasarnatik. Inuiaqatigiinnilu paasiuminaatsinneqarsinnaasarpoq inuk ersinngitsumik innarluuteqartup inuiaqatigiinni allatulli peqataaniaruni ikiorneqarlunilu tapersersorneqarnissani pisariaqartittaraa. Videoni inuit ersinngitsunik innarluuteqartut inuiaqatigiiinni peqataaniarnerminni qanoq naapinneqartarnertik pillugu oqaluttuarput.