Inatsisartut 2021-mi ukiaanerani oqaluuserisassaat innarluuteqarnermut attuumassuteqartut

billede med dagsordner til Inatsisartut
ina.gl-imit assi tigusaavoq

Inatsisartut 2021-mi ukiaanerani ataatsimiinneranni oqaluuserisassaat innarluuteqarnermut attuumassuteqartut katersorlugit tulleriiaappagut. Immikkoortut normui naapertorlugit tulleriiaarpagut.

Maluginiarsiuk, inuit innarluutillit inuiaqatigiinni allatuulli peqataallutik inooqataanermikkut oqaluuserineqartunik tamanik soqutiginnillutillu inuunerminni atukkaminnut attuumassuteqartillugit pingaartitaqarsinnaapput, naak oqaluuserineqartuni innarluuteqarneq taaneqanngikkaluartoq.

Immikkoortoq 29: Meeqqat, inuusuttut inersimasullu akornanni naqinnernik ilisarinnissinnaanngitsut aamma atuarnermik allannermillu ajornartorsiuteqartut pillugit nuna tamakkerlugu iliuusissanik pilersaarusiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. uani atuaruk.                              (Inatsisartunut Ilaasortaq Sofia Geisler, Inuit Ataqatigiit)

Immikkoortoq 35: Innarluutilinnik sullissisutut atorfillit ilinniagaqarnissaat, ilinniaqqittarnissaat pikkorissartarnissaallu pillugu nuna tamakkerlugu periusissiornissamut iliuusissatullu pilersaarusiornermik Naalakkersuisut suliaqaqqullugit Inatsisartut aalajangiiffigisassaattut siunnersuut. Periusissiaq iliuusissatullu pilersaarut kingusinnerpaamik UKA2022 saqqummiunneqassaaq, iliuuserisassatullu siunniunneqartut qanoq nalilersorneqartarnissaat pillugu pilersaarummik amma imaqassalluni. uani atuaruk.                                                                                                                                    (Inatsisartunut Ilaasortaq Sofia Geisler, Inuit Ataqatigiit)

Immikkoortoq 47: Naqinnernik ilisarsisinnaanngitsunut Kalaallisut programimik ikiuutinik sanasoqarsinnaanissaa pillugu nalunaarusiamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut. uani atuaruk.                                                                                                                                                                      (Inatsisartunut ilaasortaq Aslak W. Jensen, Siumut)

Immikkoortoq 73: Inatsisartut isummerfigisassaattut siunnersuut Naalakkersuisut peqquneqassasut kalaallisuumik
naqinnernik ilisarinnissinnaanngitsunut misissuummik ineriartortitsisoqarlunilu atuutilersitsisoqarnissaanik meeqqat atuarfianni ilinniarfinnilu ingerlariaqqiffiusuni atorneqartussatut. Uani atuaruk.
(Inatsisartunut ilaasortaq Nivi Olsen, Demokraatit)

Immikkoortoq 76: Inatsisartut suleriaasianni § 33 tunngavigalugu matumuuna aalajangiiffigisassatut siunnersuuteqarpunga: Inatsisartut isummerfigisassaattut siunnersuut, Naalakkersuisut peqquneqassasut nalunaarusiussasut, meeqqat atuarfianni immikkut atuartitsinermi klassini atuartut qassit, meeqqat atuarfianni
ingerlariaataasinnaasumik inaarutaasumik misilitsinnissamut innersuunneqartarnerannik takutitsisumik. Uani atuaruk.
(Inatsisartunut ilaasortaq Nivi Olsen, Demokraatit)

Immikkoortoq 128; Uunga siunnersuut: Inuit innarluutillit tapersersorneqarnissaannut Inatsisartut inatsisaata
allanngortinneqarnissaanut Inatsisartut inatsisaat (Inuit innarluutillit eqqartuussinikkut eqqartuussiviulluunniit aalajangeereerneratigut inissinneqarsimasut akiliunneqarlutik tikeraarlutik angalasinnaatitaannginnerat). Uani atuaruk.                                                                                                                                                                                                       (Meeqqanutt, Inuusuttunut, Ilaqutariinnullu naalakkersuisoq)