Inatsisartut siunnersuutaat:Nunatsinni tarnimikkut napparsimasut atugaat pillugit iliuusissat pitsanngorsarneqarnissaat siunertaralugu nuna tamakkerlugu iliuusissamik pilersaarummik

Tiliumiit inatsisartut aalajangiiffigisassatut siunnersuummik oqallinnerannut malinnaassaagut, tassani nunatsinni tarnimikkut napparsimasut atugaat pillugit iliuusissat pitsanngorsarneqarnissaat siunertaralugu nuna tamakkelugu iliuusissatut pilersaarummik naalakkersuisut saqqummiussaqassasut oqallisigineqassaaq.

-Tarnikkut napparsimasunut tunngatillugu suliassaqarfimmi annertuunik ajornartorsiuteqartoqarpoq. Tiliumiit inuit tarnikkut napparsimasut pillugit suliat systemip iluani assigiinngitsunut milorujussuunneqalersarnerat ilisimavarput, tarnikkut napparsimasut pillugit peqqinnissaqarfiup, kommunip politiillu akornanni sulianik ingerlatsineq ataqatigiissaarneqanngilaq tamannalu akuersaarneqarsinnaanani. Tarnikkullu napparsimasut angerlarsimaffeeruttarput pisortat sumiginnaaneri peqqutigalugit, tamannalu unitsinneqartariaqarpoq. 

Foto: Inatsisartut

Tiliumiit inunnut innarluutilinnut nuna tamakkerlugu iliuusissatut pilersaarusiortoqarnissaa qilanaaraarput, tassanilu aamma tarnikkut napparsimasunut pitsanngorsaaniarluni iliuusissat ilanngunneqassasut.

Inatsisartut immikkut oqaluuserisassaat uani atuarneqarsinnaavoq: Nunatsinni tarnimikkut napparsimasut atugaat pillugit iliuusissat pitsanngorsarneqarnissaat siunertaralugu nuna tamakkerlugu iliuusissamik pilersaarummik Naalakkersuisut UKA2021mi saqqimmiusseqqullugit Inatsisartut aalajangiiffigisassaatut siunnersuut

Inatsisartut oqallilluarnissaannik kissaappagut eqqaasikkumavagullu apeqqutissaqarpata Tiliumiit saaffigineqarnissatsinnut akissuteqarnissatsinnullu piareersimavugut.

Una toorlugu

Tarnikkut katsorsaaneq innarluuteqarnerlu pillugu Tiliumiit naliliineq atuaruk

Tilioq NIIK suleqatigaluguinnarluutiga ersinngitsoq pillugu paasisitsiniuteqarput, uani Natasha Jakobsen skizofreni pillugu oqariartuuteqartoq takuuk:

Innarluutiga ersinngitsoq pillugu videoliat allat assi toorlugu takukkit: