Innarluuteqartut peqatigiiffii

Sumiiffinni innarluutillit peqatigiiffii ukiorpassuarni ingerlasimapput, ilaasortat assigiinngitsorpassuarnik innarluuteqarlutik.
Sumiiffinni innarluutillit peqatigiiffii taakku 1981-imi kattunneqarput, Kalaallit Nunaanni Innarluutillit Piginnaasakitsullu
Kattuffiat (KNIPK) taaguutigilerlugu. Inuilli assigiinnik innarluuteqartut peqatigiiffeqalernissaat pisariaqalerpoq,
ilaatigut innarluut pineqartoq pillugu ilisimasanik katersiniarluni tapersersoqatigiillunilu, ilaatigullu inuit pineqartumik
innarluuteqartut atugaasa pitsanngorsarnissaat siunertaralugu. 

Ukiuni kingullerni 25-ni nuna tamakkerlugu innarluutillit peqatigiiffiinik tallimanik pilersitsisoqarsimavoq, soorlu tusilartunut,
tappiitsunut, ineriartornikkut kinguarsimasunut, tarnikkut ajuuteqartunut autismimillu atugaqartunut.
Naak peqatigiiffiit nuna tamakkerlugu atuukkaluartut inukinnera peqqutigalugu mikisuararsuupput. Tamarmik
kajumissutsimik ingerlanneqarput. Peqatigiiffiit arlaannaalluunniit allattoqarfeqanngilaq, immikkut ilisimasalinnik sulisoqarani,
allaffeqarani ataatsimiiffissaqaranilu.

Taamaalillutik peqatigiiffiit iluamik Naalakkersuisunik illuatungiliisinnaanngillat tusarniaasoqartillugu innarluutillu pillugit isumaqatigiissutip naammassiniarnerani.
Tamanna tunngavigalugu ataatsimut allattoqarfiliornissamik isuma pinngorpoq, peqatigiiffiit ataasiakkaat tapersersinnaaniarlugit immikkullu ilisimasaqalerniarluni kiisalu innarluuteqarnermut politikkimik pitsaasumik suliaqarnissamut nukissaqarsinnaaniarluni.

Nunatsinni Inuit Innarluutillit Kattuffiat (NIIK) Ukiut arlaqartut aallartisarniartoqareersoq aalajangerneqarpoq nunatsinni innarluutillit peqatigiiffiisa kattunnerisigut suliniaqatigiiffimmik ataatsimoortumik pilersitsinissaq 2018-imi novembarimi Sisimiuni Tiliup isumasioqatigiissitsineranut ataatsimeersuartitsineranullu atatillugu.

Peqatigiiffiit sisamat pilersitsisut tassaapput Inooqat, ISI, Kalaallit Tusilartut Kattuffiat (KTK) kiisalu Nuna tamakkerlugu
Autismersut peqatigiiffiat, Kalaallit Nunaanni immikkoortortatut. Kingorna Sugisaq ilannguppoq, maannalu nuna tamakkerlugu innarluutillit peqatigiiffii tallimat NIIK-imi ilaalerput NIIK-p inuit innarluuteqartut inuttut allatuulli
inuuneqarnissaat sulissutigaa.
• Innarluutillit suliniaqatigiiffiinut malunnaatilimmik oqaaseqartartuuvugut.
• Pitsaasumik suleqataavugut.
• Inuit innarluutillit peqataatinneqarnissaat, tunniussaqarnissaat ataatsimoornermilu peqataatinneqarnissaat sulissutigaarput. 

Inuit qaqutigoortumik nappaateqartutut nalilerneqartut tassalu inuit nappaatit/ innarluutit nunatsinni inuniit qulinit ikinnerusunit atugaasartut NIIK-imi aamma isumagisaraavut. Inuit qaqutigoortumik nappaateqartutut nalilerneqarsimasut NIIK-imi inuttut ilaasortaalersinnaapput.

Innarluutillit peqatigiiffiinik nutaanik pilersitsiniarnermi NIIK aamma ikiuussinnaalluarpoq. Tassunga atatillugu
oqaatigineqarsinnaavoq, Savalimmiuni peqatigiiffik MEGD taaneqassaaq peqatigiiffinnit 24-nit ilaasortaaffigineqartoq
Danmarkimilu Innarluutillit Suliniaqatigiiffiat peqatigiiffinnit 32-nit ilaasortaaffigineqartoq.

Nunatsinni Inuit Innarluutillit Kattuffiat (NIIK)
Ulloq pilersinneqarfia 9/11 2018.
Siulittaasoq: Anders Meilvang
Oqar: 58 3900
Jens Kreutzmannip Aqqutaa 4, 1. sal.
Postboks 300, 3900 Nuuk
niik@niik.gl – www.niik.gl
Nuna tamakkerlugu Innarluutillit peqatigiiffii
Inuit innarluuteqartut qanigisaasulluunniit tamaasa nuna tamakkerlugu innarluutillit peqatigiiffiisa arlaannut ilaasortaalernissaannik kajumissaarpavut.
Peqatigiiffiit arlaannaalluunniit naleqqutinngippat,
neriuppugut illit allallu assigiimmik
innarluuteqartut peqatigiiffimmik
pilersitsiumaartusi. NIIK ikiuukkumaarpoq.
Maannakkorpiaq peqatigiiffiit
sisamat kinguliani allassimasut nutaanik
ilaasortassarsiorput

ISI
Kalaallit Nunaanni tappiitsut isigiarsuttullu
peqatigiiffiat
ulloq 11/12 2013
atuuttunngortinneqarpoq.
Siulittaasoq: Hans Peter Larsen
Jens Kreutzmannip Aqqutaa 4, 1. sal.
Postboks 300, 3900 Nuuk
isi@isi.gl – www.isi.gl
Facebookside: ISI

Sugisaq
Inuit isumaliortaatsimikkut napparsimasut innarluuteqartullu sugisaasa peqatigiiffiat Ukioq 1996 pilersinneqarpoq.
Siulittaasoq: Esekias Therkelsen
Oq.: 55 19 53
Imaneq 41
Postboks 347, 3900 Nuuk
sugisaq@sugisaq.gl
Facebookside: Sugisaq

Kalaallit Tusilartut Kattuffiat (KTK)
Kalaallit Tusilartut Kattuffiat
Pilersinneqartoq 9/11 2011
Siulittaasoq: Lisa Marie Nielsen
Oqar: 52 58 80
Mail: uuta-j@live.dk
Facebookside: Kalaallit Tusilartut
Kattuffiat – KTK

Landsforeningen Autisme
– Kalaallit Nunaanni immikkoortortaq

Ulloq pilersinneqarfia 25/6 2016
Siulittaasoq: Nanette Hammeken Arboe
Oqar: 323295
info@autisme.gl www.autisme.gl

Kalaallit Nunaanni Innarluutillit Piginnaanikitsullu Kattuffiat
KNIPK sumiiffinni innarluutillit peqatigiiffiisa
kattuffigaat. KNIPK-mut saaffiginnissinnaavutit
paasiniarlugu illoqarfigisanni innarluutillit peqatigiiffeqarnersut.
Kalaallit Nunaanni Innarluutillit Piginnaanikitsullu Kattuffiat (KNIPK)
Siulittaasoq: Hans Reimer
Oqar. 565781
Johs. Dorfsvej 31
Postboks 269, 3950 Aasiaat
knipk1981@gmail.com
Facebookside: KNIPK
– Kalaallit Nunaanni Innarluutillit
Piginnaanikittullu
Kattuffiat