Immikkoortoq 12 – Inatsit kikkunnut tamanut assigiimmik atuuttussaavoq

Inuit innarluutillit inuttut allatulli inuunermik inuuffiginnissinnaatitaapput, pisussaaffinnik aalajangeeqataanissamut pisinnaatitaaffeqarlutik.

Tamanna isumaqarpoq:

– Inuit innarluutillit pigisaqarnissamut, illunik nalilinnik kingornussisinnaanisamut inuttut allatulli pisinnaatitaaffeqarput.
– Inuit innarluutillit aningaasaatitik namminneq qanoq atussanerlugit attartornissamullu inuttut allatulli pisinnaatitaaffeqarput.
– Inuk innarluuteqarnera piinnarlugu aningaasaataanik pigisaanilluunniit arsaartugassaanngilaq.

Inuit innarluutillit pingaarutilinnik aalajangiissatillutik tapersersorneqarnissamik pisinnaatitaaffeqarput.

Inuit innarluutillit pisariaqartissinnaavaat namminneq sinnerlutik allat aalajangiinissaat. Taama pisoqassatillugu inuup innarluutillip pisinnaatitaaffii kissaataalu tamatigut malinneqartassapput. Namminersorlutik Oqartussat taama aaqqissuussineq inunnik innarluutilinnik atornerluinnginnissaq siunertaralugu sapinngisamik pinaveersaartissallugu suliniuteqassapput. Taama aaqqissuussineq pisortaqarfimmit attuumassuteqanngitsumik nakkutigineqartartussaavoq.

Isumaqatigiissut ima paasineqassaaq: Inuup innarluutillip innarluuteqarnini pillugu inuit allat
pingaarutilimmik aalajangiisussanngortikkunigit tamanna inummut innarluutilimmut
nammineersinnaassusiiagaanerusinnaavoq. Inuk nammineersinnaassusiaagaasoq inunnit allanit
nammineersinnaanngitsutut pingaarutilinnillu aalajangiisinnaanngitsutut naliligaasimassaaq. Inuk
nammineersinnaassusiiagaasimasoq assersuunneqarsinnaavoq 18-it inorlugit ukiulittut. Nammineersinnaassusiiagaanermi sorpassuit pingaarutillit aalajangeeqataaffiginissaat annaaneqartarput.
Assersuutigalugu qinersinerni taasisinnaanatillu qineqqusaarnissamut sassarsinnaanngillat.

Sapinngisamik ajornanngippat, inuit innarluutillit nammineersinnaassusiiarnaveersaartariaqarput.