Immikkoortoq 3 –Pingaartitat tunngaviusut

Inuit innarluutillit pisinnaatitaaffiisa isumaqatigiissutaani naleqartitat ima tunngaveqarput:

– Inuit tamarmik ataqqinassuseqarput.

– Inuit tamarmik pisinnaatitaapput, inuunertik qanoq inuuffigissanerlugu.

– Inuit tamarmik pisinnaatitaapput, immikkoortinneqaratik inuunissamut.

– Allat naligalugit inuit innarluutillit allatulli pisinnaatitaaffeqarnerat ataqqineqarluni inuiaqatigiit aaqqissuussaassapput.

– Inuit assigiinngisitaartuupput. Inuttut innarluuteqarneq inuit akornanni assigiinngequtit ilagaat. Akuerineqarneq ataqqineqarnerlu inuttullu kinaassuseqarneq kikkut tamarmik pisinnaatitaaffigaat.

– Kikkut tamarmik assigiimmik inuiaqatigiinni akuunissaq pisinnaatitaaffigaat.

– Kikkunnut tamanut atoruminartumik inuiaqatigiinni periarfissiisoqartariqarpoq.

– Arnat angutillu assigiimmik ataqqinassuseqarput naligiisinneqartussaallutillu.

– Meeqqat innarluutillit periarfissaqarlutillu inuttut ilinniarnissamut pikkorinnerulernissamullu ineriartortinneqassapput.