Immikkoortoq 9 – Pisariillisaaneq

Inuit innarluutillit allatulli kiffaanngissuseqarlutik nammineerlutik inuiaqatigiit iluanni peqataanissartik pisinnaatitaaffigaat. Taamaattumik Namminersorlutik Oqartussat inuit innarluutillit atugarisaat pillugit pisariillisaanissaq inuiaqatigiit iluanni piffinni tamani sulissutigisariaqarpaat.

Pisariillisaaneq sumulluunniit tikikkuminarsaanermik aamma isumaqarpoq.

Tamannalu ima isumaqarpoq:
– Namminersorlutik Oqartussat isumagisariaqarpaat, aqqusernit, bussit allallu angallannikkut aqqutit, napparsimmaviit, atuarfiit, timersortarfiit inissiallu allat tikikkuminartuunissaat.
– Namminersorlutik Oqartussat, paasissutissat suulluunniit ajornanngitsumik pissarsiarineqarsinnaanissaat isumagisariaqarpaat.
– Namminersorlutik Oqartussat suliffeqarfiit namminersortut neqerooruteqartarnerat pisariillisaanissamut sunniuteqaqataaffigissallugu suliniartariaqarput. Assersuutigalugu neriniartarfiit pisiniarfiillu tikikkuminartuullutillu innarluutilinnut perusuersartarfeqarnissaat piumasaqaataasinnaavoq.
– Namminersorlutik Oqartussat tikikkuminarsaanerit pisariillisaanerillu pillugit ilinniartitsissuteqarsinnaapput.
– Inissiat tamanut ammasut toornerit atorlugit naqitanik atuaruminartunik paasiuminartunillu allagartalersorneqartarnissaat isumagissallugu.
– Inuit innarluutillit piffinnut tamanut ammasunut ikiorneqarlutillu tapersersorneqarnissartik pisinnaatitaaffigaat.
– Inuit innarluutillit ikiorneqarnissamut tapersersorneqarnissamullu paasissutissanik pisinnaatitaaffii nukittorsassallugit.
– Tenikikkut atortut nutaat inunnut innarluutilinnut atorneqartarnissaat annertusarneqartariaqarpoq. Namminersorlutik Oqartussat teknikikkut atortut nutaat pissarsiarinissaanut sapinngisamillu akikitsuutinnissaannut sulissuteqartariaqarput.