inunnut innarluutilinnut sapaatip akunneqartitsinermi 41-mi peqataatitsineq sammineqarpoq

Inunnut innarluutilinnut sapaatip akunneqartitsinermi 41-mi Tiliumit facebookimi peqataatitsineq pillugu saqqummersitaqarpugut. Inuit innarluutillit timersornermi, suliffeqarnermi kulturikkulluunnit aaqqissuussinerni peqataatinneqartarnerminnik oqaluttuarput, aammali peqataaniarnermi akimmiffiusartunik assersuusiorput, ajornannginnerusumillu peqataanissamut iliuuserineqarsinnaasunik siunnersuuteqarput.

Pilunnguaq Olsen ADHD-imik innarluutilik, tamannalu peqqutigalugu inuppassuit akornanniissinnaasanngilaq. Pilunnguup kissaatigaa inuit ADHD pillugu ilisimasaqarnerulernissaat.

Aajuna Aqqa Peter Lyberth ersinngitsumik innarluutilik, innarluutini pillugu akimmiffissarpassuaqartarpoq, soorlu qangatut aavariarsinnaajunnaarnikuuvoq. Kisianni suliffeqarnermigut peqataasutut misigisarpoq

Aajuna Arnaaraq Sandgreen saamerlermi niuusaqaraluarluni tamanna aporfiginagu timersuutinik aallussaqartarpoq peqataasarlunilu.

Karina Rasmussen nutserisutut Ilimmarfimmi ilinniagaqareerluni allagartaqarpoq, isumaqarporlu inuit innarluutillit ilimmarfimmi peqataalluarsinnaassappata naleqqussarneqarnerusariaqartoq.

-Tassuunaaqqunnerit tamaasa, Gedion Schmidtip tusarnaartitsinermini imaluunniit aaqqissuussani guitareqquneqarluni qaaqusaanermini erinarsortagannaavisa ilagaat, -ajorneq ajorpara qaaqquneqaraangama, nuannarisaqaara, Gedion oqarpoq.
Qaqortormiut Gedion nipilersortartutut ilisarisimalluarpaat, tamannalu pillugu Kommune Kujallermit kaammattuummik nersornaammik siornatigut tuninikuuaat. Inunnut innarluutilinnut sapaatip akunneqartitsinermi 41-mi erinarsornerani immiussarput takutipparput

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest