Inuusuttut isumasioqatigiinnissaat

Nuummi Inuusuttunut innarluutilinnut 16-t30-illu akornanni ukiulinnut uummammiulinnullu soqutiginarsinnaasumik  isumasioqatigiisitsilerpugut novemberip 14.-ani aamma 15.-ani.

 

Assi: Tiliup peqataatitsineq pillugu Nuummi 2019-imi ataatsimiinneranit

SUNA: Tilioq aamma SUMH (Sammenslutning af unge med handicap) inuusuttunut isumasioqatigiisitsinissamut qaaqqusivoq, innarluuteqarneq, allannguineq aamma peqatigiinneq qulequtaralugit. Isumasioqatigiinnermi inuusuttut Innarluutillit allat peqatigalugit

Inuiaqatigiinni amingaatigineqartunik eqqartueqatigiissaasi, suut akimmiffiusarpat? Aamma politikkikkut inuusuttullu eqqarsaatigalugit. Suut ilisimasariaqakkat paasissutissallu amingaatigineqarpat? Qanoq tamakku pilersissavagut? Nunalu inuusuttunik tamanik inissaqartitsisoq qanoq pilersissavarput?

Isumasioqatigiinnermi misigisartakkatit, ilisimasatit aamma isumatit sammiumaarpagut. Uummammioqaruit oqariartuutissaqarlutillu allanut tusartikkusutarnik, isumasioqatigiinnissarlu soqutiginartikkukku taava qinnuteqarit.  

QAQUGU: NUUMMI Katuami arfininngorneq 14. november aamma sapaat 15.november

KIKKUT: Nuummi najugallit inuusuttut innarluutillit

Isumasioqatigiisitsinermi inissat killeqarput. Qinnuteqarsinnaavutit, naatsumik imminut ilisaritillutit, isumasioqatigiisitsinissamullu sooq peqataarusunnerlutit, uunga drude@tilioq.gl imalt. Facebookimi Tilioq- inuit innarluutillit illersuisuat/Handicaptalsmanden-imut messengerikkut allallutit. Imalt. Oqarasuaatikkut Drude 34 50 92-imut sianerfigalugu, isumasioqatigiinnissaq pillugu saaffigalugu.

KINGUSINNERPAAMIK QINNUTEQARFISSAQ: novemberip ulluisa 2-at.

nittartagaat una toorlugu takuuk

Nunani Avannarlerni Piorsarsimassutsikkut Attaveqaat qutsavigaarput, inuusuttut isumasioqatigiinnissaannut aningaasaliissuteqarmata.

Danmarkimi Sammenslutning af unge med handicap suleqatigalugit inuusuttunut isumasioqatigiinneq aaqqissuunneqarpoq. 

Nittartagaat ilisarnaat toorlugu takuuk

una toorlugu takuuk
Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest