Isumasioqatigiisitsinermut pilersaarut

Tilioq peqatigiiffinnut isumasioqatigiisitsinissaa Hotel Hans Egedemi konference lokale 12-imi novemberip ulluini 9. aamma 10. ingerlanneqassapput. Kalaallit Nunaanni peqatigiiffinnit kattuffinniillu peqataasussat 40 nalunaarsimapput.

Inuttut siuttuusinnaaneq aamma inuusuttut peqataatinneqarnerat Tiliup inuit innarluutillit peqatigiiffiinut isumasioqatigiisitsinerani sammineqassapput.

Arfininngornermi novemberip 9-anut pilersaarut aajuna: 

08.30-09.00: Ataatsimiittarfik 12-imut nalunaarneq 

Inuit Innarluutillit Illersuisuat Christina Johnsen Tiliumilu pilersaarusiornermi suleqataasoq Anna Ida Jonnson, paasissutissiisartorlu Oline Inuusuttoq Olsen tikilluaqqusissapput, ilisaritillutik aamma isumasioqatigiinnermi siunertamik naatsorsuutigineqartunillu saqqummiillutik

Inaluk Brandt, Visioboximiit workshoppertitsissooq uuna tunngasumik: 

Inuttut siuttuuneq aamma nammineq kajumissutsimik siulersuineq

Isumasioqatigiinnermi siulersuineq pillugu workshoppertoqarpoq, peqataasut eqimattani inuttut siuttuuniarnermi aamma peqatigiiffilerinermik sulinermi kajumissuseqalersitsisartunik oqaluuserisaqarput. Aajuku pisunit assit:

Sapaat novemberip 10-nut pilersaarut:

kl.: 08.30: Pilersaarusiornermi suleqataasup Anna Ida Jonssonip ippassaammat sammineqartoq pillugu eqikkaalluni saqqummiussaqassaaq, inuttut siuttuuneq aamma siunissamut pilersaarutit sammillugit.

Peqataasut eqimattanut agguataarneqarput pilersaarutinillu angorusutaminnik ilusilersuillutik. Ilusilersukkami anguniagaq allanneqarpoq, qanoq anguniarneqassanersoq sunik isumalluuteqassanerlutik aamma suut akimmiffiunersut qulaajarlugit

Inuit Innarluutillit Illersuisuata inuit innarluutillit inatsisissaat, januaarip aallaqqaataani 2020-mi atuutilersussaq pillugu saqqummiivoq

Christina Johnsenip inatsisip nutaap atuutilersussap allannguutissai kiisalu periarfissatut malitsigisai sammivai.

 Saqqummiussaq aajuk.

 

Ullup qeqqasiorneq: nal. 12.00-12.40

Nal.:12.40: Inuit innarluutillit peqatigiiffiisa ataatsimut isumaat: -Peqataatinneqarniarnermi akimmiffiit suuppat?!

 

Peqatigiiffiit Kattuffiillu ataatsimut oqariartuutaat

Naggasiineq, paasisat aamma eqikkaalluni saqqumminneq

Nal.:18.00 Hotel Hans Egedemi peqatigiilluni nereqatigiinne

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest