Ækvivalenten

Atornerluisarneq ataatsimoorluta akiortigu

Meeqqanut innarluutilinnut atornerluisarneq pillugu qaammarsaaneq ingerlapparput, 2024 naanerani tamanna saqqummiunneqarpoq.

Suliaq assigiingitsunik imaqarpoq: Nalunaarusiaq, meeqqanut innarluutilinnut atornerluisarneq nunatsinni qanoq inissisimaneranik ersersiisoq, kommuninut najoqqutassiaq piffimminni qanoq sukumiisumik iliuuseqarsinnaanerannik ilitsersuut, ilisimasalinnik podcastiliat atugassarititaasunik ersersiisut aammalu aalasulianik videonik qaammarsaaneq, meeqqanut innarluutilinnut atornerluisarnermut tunngasunik paasititsiniutit.

Filmeeqqat, podcastit nalunaarusiallu meeqqanut innarluutilinnut atornerluisarneq pillugu maani quppernermi ilisimasaqarfiginerulersinnaavatit.

Kinguaassiutitigut atornerluisimanermut suut ersiutaasinnaanersut pillugit paasisaqarnerususukkuit.

Atornerluisarneq ataatsimoorluta akiortigu:

Kalaallit Nunaanni meeqqanik innarluutilinnik kinguaassiutitigut atornerluineq pillugu nalunaarusiaq  

Uani tusarliussami siammassissumik nalunngisagut Kalaallit Nunaanni meeqqanik innarluutilinnik kinguaassiutitigut atornerluineq, sanngiiffigisat, qanoq isikkoqarpa meeqqanut innarluutilinnut, Inuiaqatigiit atornerluinermik qanoq inerteqquteqannginnerat, kingunerluutit qanorlu iliortariaqarpugut.

Link toorlugu atuaruk.

Atornerluisarneq ataatsimoorluta akiortigu
Atornerluineq akiorniarlugu ataatsimut

Atornerluisarneq ataatsimoorluta akiortigu:

Kalaallit Nunaanni meeqqanik innarluutilinnik kinguaassiutitigut atornerluisarneq qanoq akiorneqarsinnaanersoq pillugu kommuninut ilitsersuut

Una paasissutissatut allagaq kommuninut, pisortanut tulluussagaavoq qanorlu kommunit iliuuseqarsinnaanersut meeqqat innarluutillit meeqqallu innarluuteqanngitut toqqissisimasumik inooqataaniassammata. Allaavia aaqqiiniarnermik sulisoqarsinnaanera nalunngeriikkat pigeriikkallu iluaqugigalugit allaanerusutullu annerusumillu ikioqatigiilluta, meeqqat toqqissisimasumik peroriartorniassamata.

Link tooruk ilitsersuut atuarniarlugu.

Atornerluisarneq ataatsimoorluta akiortigu
Atornerluineq akiorniarlugu ataatsimut

Qanoq iliussanersutit

Meeqqamut atornerluisimanermut minnerpaamilluunniit pasittaassaqaruit nalunaarutigissavat. Tamatta nalunaartussaassuseqarpugut.

Politiit siusinnerpaamik akuliunneqassapput. Ikiorneqarnissamik kissaateqaruit 70 14 48-mut sianersinnaavutit.

Atornerluineq peqqammerpat, uppersaataasinnaasut tamaasa toqqornissai pisariaqarpoq, assersuutigalugit atisat, qipiit qalii, mobiilit mobiilikkullu allagaasinnaasut tamaasa. Periarfissaq siulleq meeraq napparsimaviliaanneqassaaq, atornerlunneqarsimaneranik ersiutinik misissuisoqarniassammat, uppernarsaatitut atorsinnaasunik, aammalu qulakkeerniarlugu suliarineqarnissaat, ass. kinguaassiutitigut nappaateqalersimappat.

Innarluuteqaruit meeraanernilu kinguaassiutitigut atornerlunneqarnikuullutit politiinut nalunaarutigisinnaavat, kingusinaanngisaannarpoq.

Kikkulluunniit Tusaanngamut sianersinnaapput oqarasuaammi 80 11 80 imaluunniit 18 99-mut allaffigisinnaavatit atornerlunneqarnikuunerpit kingunerisaanik ikiorneqarnissannut.