September 2024-mi Sisimiuni sapaatip akunnerini marlunni Minngortuunnguup Atuarfiani klassit marluk assiliinermik ilinniarsimapput, assiliivillu atorlugu pinngortitaq sumiiffimmilu avatangiisit misissorsimavaat. Assiliinermik ilinniarnermi pinngortitaq atorlugu nuannersunik misigisassarsiorfigineqarsimavoq namminnerlu assilisaminnik oqaluttuarsinnaanissaminnik suliaqarsimallutik.

Meeqqat assiliinermik ilinniarnerminni Sisimiut ineriartornerata oqaluttuarsartaa paasisaqarfigalugu aallarniutigisimavaat, tamatumani utoqqaat arlallit meeraanerminni pinngortitami pinnguartarsimanertik oqaluttuaraat – qimmit anai atorlugit arsarnilikkersaallutilluunniit timmissat ullui illersorumallugit aarrit nakasui pullannikut atortarsimanerannik oqaluttuarput.
 
Meeqqat assiliiviup pillugu ilikkagaqarput aamma assiliiviup qanoq inississornissaa, qaamaneq aamma inissisimaffiit tunngavigalugit oqaluttuarsinnaanissaminnut ilikkagaqarput. Meeqqat assiliivimmik tigummiaqarsinnaanertik nuannaarutigaat, assilisatillu kusanangaartut isiginnittaasiallu assigiinngitsut takuneqarsinnaallutik.

Suliniummi ’Pinngortitaq tamanut’ atuartitsinermi atuarfiit allat assiliinermik ilinniartitsisinnaaniassammata atortussanik inerisaasoqarpoq. Aamma inuit innarluutillit Kalaallit Nunaanni pinngortitamukarnissaminnut aporfiit pillugit misigisarsimasaat qulajaarniarlugit nalunaarusiortoqarpoq

Tamanut pinngortitaq videot

Tamanut pinngortitamik atuartitsinermut suliarineqarnikut, utoqqaat oqaluttuarnerat maani takusinnaavatit.

Akaaraq Samuel Olsen, Sisimiuni 1936-mi inunngortoq. Sisimiuni meeranini eqqartorpaa, pinnguarisarnikuusat aammalu sumi sulerisarsimanerlutik.

Carla Rosing Olsen, Sisimiuni 1954-mi inunngortoq qivittoqarfimmi, oqaluttuarivaalu Qivittoqarfik sooq qivittoqarfimmik ateqalersimanersoq, meeranerminilu assigiinngitsunik eqqaamasalersaarpoq.

Sofie Boassen, Sisimiuni 1937-mi inunngortoq. Maanna SØMA, nalaani meeraanikuunini oqaluttuarivaa, qanorlu isikkoqarsimanersoq eqqaamasalikkersaarpoq assigiinngitsunillu meeraanerminni ileqqorisarsimasaminnik.