Praktikkerfissaq

Helga Ajaaja Jakobsenip praktikkerfissarsiorneranik Facebookimi statusiliaq soqutigineqarluarpoq, tamanna apriilip 16-ani saqqummersinneqarami 897-init likerneqarpoq. 259-init del-erneqarluni 126-iniillu kommentarerneqarluni.

Kikkut tamarmik ilinniagaqarsinnaatitaapput, tamanna Inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaanni immikkoortoq 24-mi allaqqavoq.

Tamanna aamma Helga Ajaaja Jakobsen-imut TNImi allaffimmiutut ilinniartumut atuuppoq, Helgap ilinniarnermini ingerlaqqissaguni augustimiit praktikkerfigisinnaasaminik maanna ujaasivoq.

Helga qaratsamit pisumik cerebral pareseqarpoq, kisianni ilimagisarnit piginnaasaqarneroqaaq.
Suliffeqarfissinni Helgap praktikkerfigisinnaasaanikikiussallugu periarfissaqartitsivisi? Taava uunga attavigisinnaavat: ajakobsen1975@gmail.com

Nunatsinni ilinniartut praktikkerfissaaleqisarnerat ilisimavarput, Helga praktikkerfissarsiornerminik suli iluatsitsinani junimi aasaanerani atuanngiffeqarneq sioqqullugu nalunaarpoq.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest