Suliffeqarnermi peqataatitsinermut suleqataavunga

Tiliup suliffeqarnermut suliniutaannut atatillugu Qeqqata Kommuniani suliffeqarfiit arfinillit inunnik innarluutilinnik suliffeqarfimminni peqataatitsiumallutik siunertaqarnertik pillugu nalunaaruteqarput.

una tooruk: suliniut annerusumik paasisaqarfigiumallugu

Tilioq suliffeqarnermut suliniummut ”sulisinnaavunga” –mut atatillugu Qeqqata Kommuniani Maniitsumi aamma Sisimiuni suliffeqarfinnik ”Suleqataavunga”-mut qaaqqusivoq. Suleqataavunga- suliffeqarfinnut inunnik innarluutilinnik annerusumik peqataatitsiumasunut attaveqarfiuvoq. Kalaallit Nunaannilu taamatut aattaveqarfiulluni siulleq.

Sisimiuni suliffeqarfiit suleqataavunga pillugu siunertamut peqataajumanertik oktoberip 6-ani atsioqatigiipput. Inuit innarluutillit suliffeqarfinni peqataatinneqarnerulernissaannut siunertaqarumallutik aamma attaveqarfimmut peqataajumanertik nalunaarutigaat. Qeqqata Kommuniani suliffeqarfiit peqataasut tassaapput, Arctic Circle Business, Thermo Elektrikeren, Sømandshjemmet Sisimiut, Arctic Star ApS aammat Tupilak Constructions. Tiliumiillu Qeqqata Kommuniani suliffeqarfiit soqutiginnittut aamma attaveqarfigineqarput.

Una tooruk: Arctic Star ApS

Peqataatitsinissamut ikiuutit                                                                                Suliffeqarfiit inuiaqatigiinnut akisussaaqataapput. Tassa inooqataanikkut akisussaaqataallutik aamma sapinngisamik piginnaasatik nukissatillu atorlugit inunnik avatangiiserisaminnit peqataatitsinissaminnut, Arctic Star ApS-imik piginnittoq Henrik Sachse oqarpoq. Taassuma peqataatitsiumalluni ”suleqataavunga” siunertaq atsioqataaffigaa, tassani Inuit innarluutillit nammineq suliffeqarfigisamini peqataatisinissaminut ilitsersuutit iluaqutaassangatippai, soorlu aamma innarluuteqarneq suliffeqarnerlu pillugit nassuiaat, kommunini sullissisut inunnik innarluutilinnik suliffeqarfinnut pulajartuaartitsiniarnerannut tapertassatut atorneqartussatut, kiisalu sulisitsisunut inunnik innarluutilinnik atorfeqartitsisunut imaluunniit atorfinitsitsinissamik eqqarsaasersulersimasunut, piukkussaavoq. Aammattaaq quppersagaaraq inunnut innarluutilinnut imaluunniit qanigisaasunut paasissutissiissutitut atorneqarsinnaavoq. Najoqqutassiami, innarluutit assigiinngitsut, nappaatit aamma nappaatinik suussusersinermut taaguutit arlalippaaluit, aamma tamakku suliffeqarniarnermut qanoq sunniuteqarsinnaanersut, atuarneqarsinnaasoq iluaqutigissanerarpai.

 

-Saqqummiussat pitsaasuupput, sualummik ilitsersuut, paasissutissanik innarluutinut assigiinngitsunut tunngasunik imaqarpoq, soorlu aamma sulinermi mianerisassat allattorneqarsimallutik, Henrik Sachse oqarpoq.

Infoboks: Tilioq aamma Qeqqata Kommunia suliffeqarnermut tunngasumik suliniutaat tassaavoq ”Sulisinnaavunga”. Paasissutissanik saqqummersitaqarput, soorlu innarluuteqarneq suliffeqarnerlu pillugu nassuiaat, suliffiit assigiinngitsut pillugit nassuiaatit aamma inunnik innarluutilinnik suliffeqarfinni peqataatitsinerulernissamut ilitsersuutit. Qeqqata Kommuniata aamma Tiliup suleqatigiinnerat ”Sulisinnaavunga” taamaasilluni inerneqarluni naammassivoq. Tiliumiillu suliffeqarfinnut attaveqarfik Suleqataavunga ingerlanneqassaaq.

Peqataatitsineq piujuartitsilluni ineriartortitsinermi nunarsuarmi anguniagassaavoq

Misissuinerit takutippaat, assigiinngissuseq assigiinngissitaartumillu pissuseq suliffeqarfimmut ineriartortitsisinnaasoq annertusiartortitsisinnaasorlu. Inummik innarluutilimmik suilersitsinermi suliffeqarfiup suleriaasiini nutaamik isiginnittoqalertarpoq. Assigiinngiiaassuseq assigiinngissuserlu nutaanik isumassarsititsisarpoq, taamaaliornikkulu sulffeqarfiup unammillersinnaassusaa siuarsartarlugu. Suleqataavunga pillugu suliffik atsioqataanermigut nunarsuarmi piujuartitsilluni ineriartortitsinissamut anguniagaqarpoq:

Nunarsuarmi anguniakkat:

Suliffeqarfiit peqatigiiffiata Arctic Circle Businessip Suleqataavunga attaveqarfimmi peqataajumapput

-Suleqataavunga pillugu siunertamut nalunaaruteqassalluta aalajangerpugut tassami sulinummi nukissani tamani periarfissat pitsaasumik takunneqarmata. Suliffeqarfiit amerlanerusunut ammaannerisigut nunatsinni sulisinnaassuseqartut amerlisinneqassapput- namminersortunut aamma iluaqutaasussamik. Tamanut iluaqutaasinnaasumik ineriartortitsisoqarnissaanut suliniut iluaqutaassaaq, Arctic Circle Businessimi pisortaq Louise Lynge Berthelsen oqarpoq.

Una tooruk: Arctic Circle Business

Tilioq aamma Qeqqata Kommunia paasisitsiniaallutik videonik suliaqarnikuupput, tassani inuit innarluutillit suliffeqartut sammineqarlutik.

-Videot pitsaapput, inunnut ataasiakkaanut qanoq sunniuteqarluarsimanerat takutinneqarpoq, aammali suliffeqarfinniit iliuusissat annikitsigineri takutinneqarput. Inunnillu innarluutilinnik sulisoqarnissamut isumakuluutigineqarsinnaasut aamma taamatut paasisitsiniaanermi piiarneqarput, Louise Lynge Berthelsen oqarpoq.

Inuit innarluutillit illersuisuata Christina JOhnsenip suliffeqarfiit namminersortut aamma Qeqqata Kommuniata tapersersuinerannut nuannaarpoq.

-Qeqqata Kommunia aamma Arctic Circle Business qutsavigaagut suliffeqarnermut suliniummut peqataanerannut, aamma suleqataavunga aqqutigalugu attaveqarfimmut peqataalernerannut. Inuit innarluutillit suliffeqarumasut sulilerniarneranni akimmiffiusartut suliniummi qulaajarneqarput. Ilisimavarpullu suliffeqarfiit inunnik innarluutilinnik peqataatitsiumallutik annertuumik iliuuseqartareersut, neriuutigaarpullu suleqataavunga pillugu attaveqarfeqarneq sineriammut siammartersinnaajumaarlugu, Christina Johnsen oqarpoq.

Attavqarfik Suleqataavunga nutaajuvoq, allornerullu tulliani siunertap anguniarnerani suliffeqarfinni pisariaqartitat sammineqassapput. Suliffeqarfiit arlallit inunnik innarluutilinnik peqataatitsiniarnerminni iliuuseqarluartarereput. Attaveqarfimmilu siunertarineqarpoq ajornannginnerusumik sulilersitsisoqartalernissaa aamma misilittakkanik avitseqatigiittarnissaq. Tiliumiillu amma suliffeqarfiit, oqartussat aamma katuffiit akornanni periarfissat nutaat suleqatigiissutigineqarsinnaasullu pillugit sammisaqartitsisassaaq.

Tiliup attaveqarfimmi suliassaraa ataqatigiissaarineq aamma suliffeqarfiit, pisortat aamma kattuffiit suleqatigiisinnissai.

Tusagassiortunit attavigineqarsinnaasut:

Henrik Sachse, Pisortaq Arctic Star, mail: arctic@cat.gl, Tel  +299 865257

Louise Lynge Berthelsen, Arctic Circle Businessimi pisortaq, mail: louise@acb.gl tel. +299 863500

Inuit innarluutillit Illersuisuat Christina Johnsen på mail: cjo@tilioq.gl tel: +299 34 50 90

 

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest