Tilioq aallaannaqaaq pilersaarutaalu aajuku

Tilioq Kommune Kujallermut 2019-imi augustip 10.-nit 23.-anut tikeraarluni aallaannaleqaaq, tikeraarnermilu tamanit peqataaffigineqarsinnaasutut pilersaarutit piareerpai, Christina Johnsenip kujataarmiut uummammiui tusarusuppai, taakkulu naapinnerisigut Nunatta kujtaani inuit innarluutillit atugaat nalilersuiffigissavai.

Tilioq Inuit Innarluutillit Illersuisuat Christina Johnsen kommunimut tikeraarnerminut atatillugu pilersaaruterpassuaqarpoqm Narsami, Nanortalimmi, Qaqortumi, alluitsup Paani aamma Narsarmijini savaatilinnilu marlunni inunnut innarluutilinnut atugassarititaasut takusaqarfigissavai.

Tamanit peqataaffigineqarsinnaasutut pilersaarutigineqartut saniatigut inuit innarluutillit illersuisuata inuit innarluutillit peqatigiiffiinik ilaasortaanillu naapitaqassaaq, kommunimit inunnut innarluutilinnut neqeroorutigineqartut, soorlu nakkutigisaasumik sannaviit ataatsimoortumik najugaqatigiiffiit, kommunit inunnut innarluutilinnut immikkoortortaqarfii kiisalu sullissisut.

-Kommune Kujallermi inuit innarluutillit, ilaqutaat kiisalu sullissisut naapinnissaat assorsuaq qilanaarivarput, taakkulu naapinnerisigut inunnut innarluutilinnut atugassarititaasut takullugillu paasisaqarfigalugit nalilersuiffiginissaannut. Tiliumit aamma Naalagaaffiit Peqatigiit inuit innarluutillit pisinnaatitaaffii pillugit paasisitsiniaasoqassaaq. Angalanissamut piareersarnermi maluginiarparput kujataarmiunit tikeraarnissarput aamma qilanaarineqartoq, Inuit Innarluutillit Illersuisuat Christina Johnsen oqarpoq.

Pilersaarutit tamanit peqataaffigineqarsinnaasut:

Narsaq sapaat augustip 11.-at

Narsap Katersortarfiani nal. 15.00-18.00

Tamanut inuit innarluutillit pisinnaatitaaffii pillugit sammisaqartitsineq

Narsaq ataasinngorneq augustip 12.-at

Tiliup Narsap Atuarfiani matut ammatissavai nal.16.00-19.00

Inunnik innarluutilinnik, ilaqutaanik aamma allanik apeqqutissalinnut ilisimasanilluunniit oqariartuuteqarusuttunut ataasiakkaaraluni oqaloqateqarneq.

Alluitsup Paa marlunngorneq 13.august

Tilioq Klubbimut qaaqqusivoq nal. 12.00-15.00

12.00-13.30 inuit innarluutillit pisinnaatitaaffii sammillugit

13.30- 15.00 inunnik innarluutilinnik, ilaqutaasunik inunnulluunniit innarluutilinnut tunngasunik apeqqutissalinnik ataasiakkaaraluni oqaloqateqarneq.

Narsarmijit pingasunngorneq 14.august

Atuarfik Erinami nal. 12.00-16.00imut sammisaqartitsineq

12.00-14.00 Inuit innarluutillit pisinnaatitaaffii sammillugit

14.00-16.00 Inunnik innarluutilinnik, ilaqutaasunik imaluunniit apeqqutissalinnut ataasiakkaaraluni oqaloqateqarneq

Nanortalik sisamanngorneq 15.august

Qujanartip illuani inuit innarluutillit pisinnaatitaaffii pillugit sammisaqartitsineq 17.00-19.00

Nanortalik tallimanngorneq 16.august

Nanortallip atuarfiani isaariaq qiterliup eqqaani iniini nal. 15.30-18.30 inunnik innarluutilinnik, ilaqutaasunik imaluunniit apeqqutissalinnik ilisimasalinnilluunnit ataasiakkaaraluni oqaloqateqarneq

Qaqortoq arfininngorneq 17. august

Campus Kujallermi inuit innarluutillit pisinnaatitaaffii pillugit sammisaqartitsineq 15.00-18.00

Qaqortoq marlunngorneq 20.august

Campus Kujallermi nal. 16.00-19.00 inunnik innarluutilinnik, ilaqutaasunik apeqqutissalinnik ilisimasalinnilluunniit ataasiakkaaraluni oqaloqateqarneq.

NB.: Angalaneq, sila, teknikki, ilimanginngisalluunniit pisinnaasut tunngavigalugit pilersaarutit allanngoratarsinnaapput, allannguuteqassangaluarpata KNR radiokkut ullorsiortunik nalunaarutinillu atuaasup saqqummiuttarumaarpai.

Angalanermit nalunaarusiornissaq 

Kommune Kujallermut angalareernerup kingorna TIlioq nalunaarusiussaaq, taannalu kommunal bestyrelsemut, inatsisartunut naalakkersuisunullu saqqummiunneqarumaarpoq. Nalunaarusiaq inunnut innarluutilinnut atugassaritaasuni iluatsittunik aamma ajornartorsiutaasunik imaqassaaq. Nalunaarusiaq oqartussat inunnut innarluutilinnut sullissinerminni pitsanngorsaaniarlutik iliuuserisinnaasaattut innersuussutinik imaqassaaq, neriuutigaarpullu nalunaarusiaq kommunalbestyrelsep sulinermini atorsinnaassagaa, soorlu aamma Inatsisartunit Naalakkersuisuniillu suliaanni atorneqarsinnaajumaartoq.

attavissaq:

Inuit Innarluutillit illersuisuat Christina Johnsen

+299 55 19 50

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest