Tilioq peqatigiiffinnut isumasioqatigiisitsinissamut ataatsimiinnissamullu Nuummi pisussamut qaaqqusivoq

Kalaallit Nunaanni inunnut innarluutilinnut peqatigiiffinnut isumasioqatigiisitsinissamut Nuummi 9. aamma 10. novemberi ingerlanneqartussamut qaaqqusivugut, peqataasussatullu nalunaartussanut qilanaarpugut.

Tiliup peqatigiiffinnut isumasioqatigiisitsinissaani pilersaarusiorluarluni inuttut aamma peqatigiiffilerinermi aqutsisinnaaneq sammissavarput. Peqatigiiffinnimi ilaasortat aqutsisutut akisussaaffimmik tigusinermikkut peqatigiiffik aamma inuiaqatigiinni suliniarnermi kivitsisarput. Peqatigiiffiillu nukittuut pilersinnerisigut Kalaallit Nunaanni inunnut innarluutilinnut pisinnaatitaaffiisa qulakkeerneqarnissaat taakkulu naapertorlugit pitsaasumik aamma allannguisoqarnissaanut sammisaqartoqalissaaq.

Inuusuttut aamma aqutsisunngornissaannut pitsaasunik najoqqutassiornissaq sammiumavarput, peqatigiiffiit ingerlanneqartuarnissaat anguniarlugu. Isumasioqatigiinnermi ukioq kingulleq ingerlanneqartumi nuna tamakkerlugu peqatigiiffinnik snukittorsaanermik suleqatigiinnerunissaanillu sammisaqarnermik una pisussaq ineriartortitseqqiffiussaaq.

Isumasioqatigiinnermi peqataasut inuttut aqutsisinnaanerannut sakkussaannik tunineqassapput, soorlu aamma peqatigiiffimmik ingerlatsinermik aqutsinermillu nukittorsarneqassasut, inuiaqatigiinnilu peqatigiiffilerinikkut suliaqarnermikkut.

Ataatsimiinneq novemberip 11-anni

Isumasioqatigiinneq naammassillugu nuna tamakkerlugu ataatsimiinneq ingerlanneqassaaq, politikkerit, kommunit, naalakkersusioqarfiit soqutigisaqatigiillu allat qaaqquneqassapput, inuit innarluutillit inuiaqatigiinni qanoq iliuuseqarnikkut peqataasinnaanissaat aamma aqutseqataasarnissaat ataatsimut oqallisigineqassapput.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest