Tilioq Namminersorlutik Oqartussat ataani namminersortutut suliffeqarfittut ingerlavoq. Allatseqarfik Sisimiuni inissisimalluni.
Inuit Innarluutillit illersuisuata suliassaraa Naalagaaffiit Peqatigiivisa Innarluutillit pillugit Isumaqatigiissutaat malillugu innarluutillit inuiaqatigiinni soqutigisaat isumannaatsumik siuarsaasumillu aallunnissaat.
Inuit innarluutillit pisinnaatitaaffiinik aamma maalaarutaanik aqqutissaannik siunnersorlugit aqqutissiuullugillu.
Pisortatigut aamma namminerisamik sulliviutillit siunnersorlugit aqqutissiuullugillu.
Naalagaaffiit Peqatigiivisa inuit innarluutillit pillugit Isumaqatigiissutaat naapertorlugu inatsisitigut isumannaatsumik inuit innarluutillit sullinneqarnerat qulakkiissallugu
Pissutsit inunnut innarluutilinnut tunngasut nalilersussallugit
Nunatsinni inunnut innarluutilinnut tunngasunik paasissutissanik katersineq ingerlatitseqqiinerlu
Inuit innarluutillit atugarisaat nakussassarlugit suliniutinik siunnersuusiorneq
Nunatsinni innarluutillit peqatigiiffii suleqatigalugit inuit innarluutillit Kalaallit Nunaanni atugaat siuarsarneqarnissaat qular-naarneqarnissaallu
Inuit Innarluutillit Illersuisuat politikkikkut attuumassuteqarfeqanngilaq, inuit ataasiakkaat pillugit aalajangiisinnaatitaanngilaq, oqaaseqaateqarsinnaatitaallunili.
Nuka Møllerip atuakkiaanit ”Kalaallit Aqqi – Grønlandske personnavne” ateq Tilioq nassaarineqarpoq, Inuillu Innarluutillit Illersuisuannit toqqarneqarluni.
Tilioq isumaqarsinnaavoq ikinngut, aammali oqqersuisumik isumaqarsinnaalluni. Oqqersuussisup isumaa naleqquttuutillugu Inuit Innarluutillit illersuisoqarfianut atsiunneqarpoq, “illersuisup” suliassaasa ilagimmassuk allat sinnerlugit oqariartuuteqartarnissaq, allanilluunniit oqariartorfigineqarsinnaaneq.
Inuit innarluutillit illersuisoqarfiat decemberimi 2017-imi atserneqarpoq Tilioq.
Taaguut Tilioq atorneqalereersoq, ilisarnaatissamik unammisitsisoqarpoq. tassani Kristen Miilu Møllerip ilisarnaatissaatut siunnersuutaa atorneqartussatut aalajangerneqarpoq, taassuma ilisarnaatissatut siunnersuutaa “paartpq” Tiliup aqqanut tulluarnerpaasorineqarluni toqqarneqarpoq, tassami siunnersuuteqartup takorloorsinnaalersikkamiuk ”paartoq” qajartorluni allakkanik pajuttuisartoq.
