Tiliumiit innuttaasut isumaannik misissuineq ”Innarluuteqarnermut isummat” Nuummi saqqummersinneqalerpoq

Inuit innarluutillit illersuisuata aamma Ilisimatusarfimmi lektori Steven Arnfjord suleqatigalugu naliliinermik suliaat ”Innarluuteqarnermut isummat” Katuap inersuaaraani novemberip 17.-ani nal. 13.00-16.30 saqqummiutissavaat.

Tassunga atatillugu tusagassiorfiit naliliinermi inernerit saqqummiunneqarnissaannut qaqquneqarput, tassani aamma allat saqqummiussaqassapput, sooorlu aamma suliffeqarnermi peqataatitsineq qulequtaralugu paasisimasallit oqallitsinneqassallutik.

Naliliineq ”Innarluuteqarnermut isummat” misissuilluni suliani taama ittuni Kalaallit Nunaanni siulliuvoq. Innuttaasut innarluuteqarnermut isumaat misissorneqarput, itisiliillunilu misissuinermi suliffeqarnermi inunnut innarluutilinnut isummat aamma qulaajarneqarlutik.

Kalaallit Nunaanni inunnut innarluutilinnut pissutsit pillugit ilisimasat killeqarput. Innuttaasut inunnut innarluutilinnut isumaat paasissallugit pisariaqarpoq, taamaasilluta isiginnittariaatsimik allannguinissamut suleriaqqinniassagatta.

-Misissuinitta ajoraluartumik naqissuserpaa inuiaqatigiinni amerlasuut inunnut innarluutilinnut akuersaanngitsumik isummersortartut. Iliuuseqartoqartariaqarpoq isummanik allannguisumik. Misissuineq inernilerlugu inassuteqaateqarfigaarput, tassa Kalaallit Nunaanni inunnut innarluutilinnut assigiinngitsitsisarneq inerteqqutaalersinniarlugu inatsisiliortoqassasoq. Politikkerit assigiinngisitsisarneq inerteqqutinngorlugu inatsisiliornissamut siuttuusariaqarput, Christina Johnsen oqarpoq.

Katuami inersuaaqqami inissat killeqarneri tunngavigalugu tusagassiortut qinnuigaagut peqataanissamut nalunaaqqullugit uunga info@tilioq.gl imalt. Paasissutissiisartumut Olinemut uani Oline@tilioq.gl

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest