Tiliumut saaffiginnittunut siunnersorti nutaaq

 

 

 

 

 

 

Tiliumut saaffiginnittartunut siunnersortimik sullissisoqalerpugut. Tassa inuit innarluutilit pisinnaatitaaffii pillugit aamma maalaaruteqarfiusinnaasut pillugit siunnersartussaq

-Christina Møller Hardenberg-imik ateqarpunga. 42-nik ukioqarpunga Sisimiunilu uiga meeqqakkalu sisamat ilagalugit najugaqarlunga. Tunngaviusumik inulerisuuvunga pillorissaasutut atuarsimasuullunga siornatigullu innarluutilinnut siunnersortitut ukiut 6-nillit sulinikuullunga. Taamaammat suliat nuannarisakka uterfigeqqinneri nuannaarutigaara neriullungalu siunissami suleqatigiilluarnissatsinnut. Saaffiginnissutit pisinnaatitaaffinnut tunngasut aamma maalaarfissanut tunngasutsuliaqarfigissavakka, saaffimmi siunnersorti Christina Møller Hardenberg oqarpoq

Tiliumi siunnersortimut saaffik oqarasuaatikkut imaluunniit ornigunnermi oqaloqatigineqarsinnaavoq piffissani ukunani:
marlunngorneq 13.00-16.00 aamma sisamanngorneq 09.00-12.00
Saaffimmut oqarasuaatip nr. +299 24 22 44
aamma piffissat taakku avataanni uunga allassinaavutit, mail: info@tilioq.gl allakkatigulluunniit uunga: Inuit innarluutillit illersuisuat Tilioq box 3081 3911 sisimiut