Tiliup nuna tamakkerlugu 2020mi isumasioqatigiinnissaq ataatsimiisitsinissarlu taamaatiinnarpai

Assi: Inuit innarluutillit peqatigiiffii kattuffiilu sinnerlugit nuna tamakkerlugu peqataaffigineqartumik 2019-mi isumasioqatigiinnermi peqataasut ataatsimut assilisinnerat. 

Inuit innarluutillit Illersuisuata ajuusaaqaluni ilisimatitsissutigissavaa Tiliup nuna tamakkerlugu inuit innarluutillit peqatigiiffiinit kattuffiniillu peqataaffigineqartumik isumasioqatigiisitsinissaq ataatsimiisitsinissarlu taamaatimmagit, taamatut aalajanger-nermi covid-19 pillugu killilersuinerit tunngavigineqarput.

-Katerisimaartarnernut killilersuigallarnerit pillugit Namminersorlutik Oqartussat nalunaarutaat maanna atuuttumi, aaqqis-suussinernut peqataajartorluni kommunimut allamut angalanissaq inerteqqutigineqarpoq. Tamannalu tunngavigalugu Tiliup ukiumoortumik nuna tamakkerlugu isumasioqtigiisitsisarnera ataatsimiisitsisarneralu 2020-mi pisussaq taamaatiinnartaria-qarparput, Inuit Innarluutillit Illersuisuat Christina Johnsenip katerisimaartarnernut, ininut kikkunnit tamanit iserfigineqar-sinnaasunut assartuutinullu killilersuigallarnerit pillugit Namminersorlutik Oqartussat nalunaarutaat nr. 28, 31. Juli 2020-meersoq innersuullugu oqarpoq.

Tiliumiit isumasioqatigiisitsinissap ataatsimiisitsinissallu piviusunngortissallugit periarfissaasinnaasut assigiinngitsut eqqar-saatigalugit pilersaarusiornerit suliarigaluarpai, naammangittartumillu nutaanik malittarisassiortoqaratarsinnaanera utaq-qimaarsimangaluarlugu. Tassa isumasioqatigiisitsinissaq ataatsimiisitsinissarlu iluatsissasoralugu periarfissanik nalilersuisa-raluarpugut. –Kisianni allatut ajornaqaaq akueriinnartariaqarparput ukioq manna taamaatitsiinnarnissarput, Inuit Innarluutillit Illersuisuat Christina Johnsen oqarpoq.

-Inuit Innarluutillit peqatigiiffii kattuffiilu sulinitsinni peqataatillugit sulivugut, 2019-imilu isumasioqatigiisitsinerput ataatsimii-sitsinerpullu iluatsilluarput. Inunnik innarluutilinnik inuiaqatiginni peqataatitsinerulernissamut isumasioqatigiinnermi ataat-simiinnermilu peqataasunit oqariartuuteqartoqarluarpoq innersuusiortoqarlunilu, soorlu ilinniartitaanermi, suliffeqarnermi, isumaginninnermi, attaveqaqatigiinnermi peqqinnissaqarfimmilu, Christina Johnsen oqarpoq.

Tiliumiit inuit innarluutillit peqatigiiffii kattuffiilu novemberimi attavigineqarumaarput, suliassanullu ukiup tulliani ingerlanneqartussanut siunnersuutissanik oqaloqatigiissuteqassallutik, taamatut attaveqarnerit ataatsimeeqatigiinnikkut periarfissaqarpat ingerlanneqartassapput, taamaanngippat oqarasuaatikkut internetikkulluunniit attaveqarnikkut piumaarput.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest