Tiliup Qaanaami inunnut innarluutilinnut atugassarititaasut pillugit Avannaata Kommunia ataatsimeeqatigaa

Inuit Innarluutillit Illersuisuata Christina Johnsenip aamma Tiliumi allatseqarfimmi sulisut Avannaata Kommuniani Ilaqutareeqarnermut Ingerlatsivimmi pisortamik Aviaja Madsenimik, Immikkoortortami pisortaagallartumik Karen Lund Fleischerimik aamma inunnut innarluutilinnut siunnersortimik Malo Madsenimik ataatsimeeqateqarput, oqarasuaatikkullu aamma peqataavoq Ilaqutareeqarnermut ataatsimiititaliami siulittaasoq Apollo Mathiassen (S). Ataatsimiinnissaq sioqqullugu borgmesteri Palle Jerimiassen aamma kommunip pisortaanera peqataaniaratik nalunaarput. 

 

Inuit Innarluutillit Illersuisuata Christina Johnsenip aamma Tiliumi allatseqarfimm isulisut Qaanaami inunnut inunnut innarluutilinnut atugassarititaasut pillugit Avannaata Kommuniani qullersat ataatsimeeqatigeqqammerpaat.

 

Inuit innarluutillit illersuisuata Christina Johnsen Kalaallit Nunaanni inuit innarluutillit atugarisaannik misissuilluni nalilersuisarnissamik suliaqartarnissani tunngavigalugu Qaanaamut paasisassarsiorluni maajip.20-aniit 27-anut tikeraarpoq, tikeraarnerlu naggaserlugu Avannaata Kommuniani qullersanik ataatsimeeqateqarluni.

 

Inuit innarluutillit illersuisuata Christina Johnsenip Qaanaamut paasisassarsiorluni angalaneq pillugu nalunaarusiassammi oqariartuutigisassami pingaarit sisamat Avannaata Kommunianut saqqummiuppai,

Oqariartuutigineqartut ilaat Avannaata kommunianit manna iliuuseqarfigineqarsinnaasoq tassaavoq, kommunimi inunnut innarluutilinnut sulissisut taarseraannerujussuisa ajornartorsiutaaneranut iliuuseqarnissaq.

 

-Inunnut innarluutilinnut sullissisut piginnaanngorsarnissaannut kiisalu sulisoriuarneqarnissaannut qanoq iliuuseqartoqarniarpa? Tassami inunnut innarluutilinnut sullissisut amingaatigineqarput sulisullu taarseraannerat annertoorujussuuvoq, taamaasillutik inuit innarluutillit ikiorneqarnissamik kommunimut saaffiginnikkaangamik akineqanngitsoortarput imaluunniit suliat aallaqqaataaneqqattaartuarneqartarput, inuit innarluutillit illersuisuat Christina Johnsen Avannaata Kommuniani ataatsimiinnermi ilaatigut taama oqariartuuteqarpoq.

Tilioq inuit innarluutillit pisinnaatitaaffii pillugit sammisassaqartitsilluni Qaanaami timersortarfimmi sapaammi maajip 24.-ani ingerlatsivoq.

Qaanaamut paasisassaarsiorluni angalaneq pillugu nalunaarusiaq ukiamut naammaassineqarnissaa naatsorsuutigineqarpoq, Avannaata Kommunianut saqqummiunneqareerpat tamanit takuneqarsinnaalerumaarpoq.

 

Ataatsimiinnissaq sioqqullugu Borgmesteri Palle Jerimiasssen aamma kommunimi pisortaaneq peqataasinnaanatik nalunaarput.

 

Inuit innarluutillit illersuisuat Christina Johnsen tusagassiortunit attavigineqarsinnaassaaq marlunngorneq junip 2.-ni, mailikkut cjo@tilioq.gl  oqarasuaat +299 34 50 90.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest