Allatseqarfik

Anja Hynne Nielsen                                                                            Inuit Innarluutillit Illersuisuat

Anja B.A-mik Retorik-imi ilisimatusarsimavoq, soorlu aamma Cand. Mag-itut Eskimologimi saniatigullu Kulturimut tusagassiuuteqarnermilu bi-faginik ilinniarsimasuulluni.  Inatsisartut allatseqarfianni siornatigut atorfilittatut sulisimavoq. Takornariaqarnermik inuussutissarsiutinullu siunnersuisoqatigiinni pikkorissaanernut allatseqarfimmi ilinniartitaanermut suliuniutinullu siunnersortitut atorfeqarnikuusimalluni. Nunatsinni peroriartornermini nunaqarfinni illoqarfinnilu assigiinngitsuni najugaqartarsimavoq, kalaallisullu oqalunnermik maanna kingumut ilinniaqqippoq.

 Inunnut innarluutilinnut atugassarititaasunik soqutigisaqartuuvoq. Kiisalu qitornami innarluuteqarnera aallaavigalugu inunnut innarluutilinnut tapersiisarnermut inatsimmik kiisalu pisinnaatitaaffinnik paasisimasaqarluni misilittagaqarpoq, soorlu aamma inunnut innarluutilinnut peqatigiiffinni ilaasortaasarsimalluni.  Naalagaaffiit Peqatigiit Inuit innarluutillit pillugit Isumaqatigiissutaat malillugu suliniuteqarusuppoq.

Attaveqarfissat: Anja@tilioq.gl
Oqarasuaat +299 34 50 90

fotograf Arnajaraq Støvlbæk

Anna Ida H. Jonsson                                                                            Allatseqarfimmi aqutsisuugallartoq

Anna Ida Roskilde Universitetimi Cand. Soc.-itut Nunat Tamat akornanni ineriartortit-sinermik misissuinernik tarnillu pissusaannik ilinniagaqarpoq.                                          Anna Ida suliniutinik aqutsisutut Tiliumi ilaatigut suliffissaqartitsinermut suliniutinik illersuisoqarfiullu peqatigiiffinnik ukiumoortumik isumasioqatigiissitsisarneranik
ataatsimeersuartitsisarneranillu aaqqissuisutut aqutsisutullu suliaqarpoq.                    Anna Ida aamma illersuisoqarfiup suliffeqarneq ilinniartitaanerlu immikkut suliarisai pillugit politikkikkut oqaaseqartartuuvoq.

Attaveqarfissat: annaida@tilioq.gl
Oqarasuaat +299 34 50 93

fotograf Arnajaraq Stølvbæk

Drude Daverkosen                                                                              Suliniutinut nalilersuinernullu sulisoq

Drude Københavns Universitetimi Cand.Mag.-itut Inuit Upperisarsiornermi atugaannik ilinniagaqarpoq. Drude inuit innarluutillit atugaannik ineriartortitsinermi ilisimasanik nalilersuinernillu katersuinermik suliaqarpoq, tamannalu ilaatigut innuttaasunit Tiliumut saaffiginnissutit, paasisassarsiorluni angalanerit inatsimmillu atuutilersitsinermik atorlugit pisarpoq. Drude aamma
Ilisimatusarfik suleqatigalugu ilisimasanik ineriartortitsineq pillugu suliniutinik aqutsisutut aamma Pissassarfik aamma innarluutillit peqatigiiffiisa qaammarsaanerannik suliaqarpoq.
mailikkut attaveqarfissaq: drude@tilioq.gl
oqarasuaat: +299 34 50 92

Oline Inuusuttoq Olsen                                                                      Paasissutissiisartoq

Oline Tiliup sulinera pillugu tusagassiutinut nalunaarutinik allattarpoq. Inunnillu innarluutilinnik sullissineq pillugu inuiaqatigiinni oqallinnerni Tilioq sinnerlugu ilassuteqarnissamut malinnaasarpoq, nittartagarlu Tilioq.gl minnerunngitsumillu facebokimi qupperneq – Inuit Innarluutillit Illersuisuat/Handicaptalsmanden ingerlaavartumik nutartertarpai.
Oline Tiliup nalunaarusiat saqqummersitai, paasisitsiniaanerit imaluunniit Kalaallit Nunaanni inuit innarluutillit atugaat pisinnaataaffiilu pillugit oqallinnerni saqqummiussassanik piareersaalluni suleqataasarpoq. Kalaallit Nunaanni tusagassiuutinut attaveqartuulluni paasissutissanik tunioraasarpoq.
Inuit innarluutillit paasisassarsiorluni angalanerni naapittarpai pissutsillu atugaat pillugit allaaserisaqartarluni. Allatseqarfiup suliassaani allani suliniutaanilu suleqataavoq. 

Mailikkut attaveqarfissaq: oline@tilioq.gl
Oqarasuaat: +299 34 50 94