Inuit Innarluutillit Illersuisoqarfiat ateqarpoq Tilioq.
Amerlasuut apeqqutigisarpaat TILIOQ qanoq isumaqarnersoq. Tilioq isumaqarsinnaavoq ikinngut, aammali oqqersuisumik isumaqarsinnaalluni. Oqqersuussisup isumaa naleqquttuutillugu Inuit Innarluutillit illersuisoqarfianut atsiunneqarpoq, “illersuisup” suliassaasa ilagimmassuk allat sinnerlugit oqariartuuteqartarnissaq, allanilluunniit oqariartorfigineqarsinnaaneq.
Nuka Møllerip atuakkiaanit ”Kalaallit Aqqi – Grønlandske personnavne” ateq Tilioq nassaarineqarpoq, Inuillu Innarluutillit Illersuisuannit toqqarneqarluni.
Tiliup ilisarnaataa
TILIOQ december 2017-imi atserneqareermat, ilisarnaatissamik unammisitsivugut.
Ilisarnaatissatut siunnersuutit kusanartut assigiinngitsullu nassiunneqarput. Naliliisartunit Kristen Miilu Møllerip ilisarnaatissaatut siunnersuutaa aalajangiuppaat, taassuma siunnersuutaa ilisarnaammut tulluarnerpaasorigamikku, tassami siunnersuuteqartup takorloorsinnaalersikkamiuk ”paartoq”, qajartorluni allakkanik pajuttuisartoq. Qajartortut titartarluarneqarput tulluarsarneqarlutillu, taamaalilluni Tiliioq maanna kusanarluinnartumik erseqqarilluinnartumillu ilisanaateqalerpoq nuannarilluinnakkatsinnik.
