Inuit innarluutillit illersuisuat

Christina Johnsen Kalaallit Nunaanni inuit innarluutillit illersuisa siullersaraat. 2017-imi septemberimi illersuisutut toqqagaavoq 1. novemberimilu sulinini aallartillugu. Christina politiitut ilinniagaqarpoq Nunatsinnilu Jyllanndillu avannaani politiini 1994-imiit 2013 tikillugu sulisimalluni. Taassumap saniatigut Aalborg Universitsimi inatsisilerituutut, cand. Jur.-tut ilinniagaqarpoq, soraarummeereernermilu kingorna Qeqqata Eqqartuussiveqarfiani eqqartuussisutut atorfeqarsimalluni.   Christina aamma Qeqqata Kommuniani inatsisilerinermut siunnersortitut atorfeqarsimavoq eqqartuussinernilu illersuisutut akuerisatut allagartaqarluni.

Christina Sisimiuninngaaneerpoq marlunnillu aappanilu meeraqarlutik.

Christinap pingaartilluinnarpaa innuttaasut inatsisitigut innarlitsaalisaanerata nukittorserneqarnissaat, kikkut tamarmillu qanorluunniit inooqataanermikkut aningaasaqarnermikkut politikkimik tunuliaqutaqarnermikkut, peqqinnermikkut inissisimagaluarunik naapertuilluartumik iliorfigineqarnissaat inuillu ataasiakkaat ataqqineqarnissaat. Ilungersuutaasalu ilagaat Kalaallit Nunaanni innuttaasut pisinnaatitaaffimminnik ilisimasaqarlualernissaat.

INUIT INNARLUUTILLIT ILLERSUISUAT SULERISARPA?

Inuit Innarluutillit illersuisuata suliassaraa Naalagaaffiit Peqatigiivisa Innarluutillit pillugit Isumaqatigiissutaat malillugu innarluutillit  inuiaqatigiinni soqutigisaat isumannaatsumik siuarsaasumillu aallunnissaat.
Inuit Innarluutillit illersuisuata suliassaata pingaarnerit ilagaat:

  • Inuit innarluutillit pisinnaatitaaffiinik aamma maalaarutaanik aqqutissaannik siunnersorlugit aqqutissiuullugillu.
  • Pisortatigut aamma namminerisamik sulliviutillit siunnersorlugit aqqutissiuullugillu.
  • Naalagaaffiit Peqatigiivisa inuit innarluutillit pillugit Isumaqatigiissutaat naapertorlugu inatsisitigut isumannaatsumik inuit innarluutillit sullinneqarnerat qulakkiissallugu
  • Pissutsit inunnut innarluutilinnut tunngasut nalilersussallugit
  • Nunatsinni inunnut innarluutilinnut tunngasunik paasissutissanik katersineq ingerlatitseqqiinerlu
  • Inuit innarluutillit atugarisaat nakussassarlugit suliniutinik siunnersuusiorneq
  • Nunatsinni innarluutillit peqatigiiffii suleqatigalugit inuit innarluutillit Kalaallit Nunaanni atugaat siuarsarneqarnissaat qularnaarneqarnissaallu

Inuit Innarluutillit Illersuisuat politikkikkut attuumassuteqarfeqanngilaq, inuit ataasiakkaat pillugit aalajangiisinnaatitaanngilaq, oqaaseqaateqarsinnaatitaallunili.

Handicaptalsmanden

Arbejder ud fra denne lovtekst
http://lovgivning.gl