Navn og logo

Inuit Innarluutillit Illersuisoqarfiat ateqarpoq Tilioq.

Amerlasuut apeqqutigisarpaat TILIOQ qanoq isumaqarnersoq. Tilioq isumaqarsinnaavoq ikinngut, aammali oqqersuisumik isumaqarsinnaalluni. Oqqersuussisup isumaa naleqquttuutillugu Inuit Innarluutillit illersuisoqarfianut atsiunneqarpoq, “illersuisup” suliassaasa ilagimmassuk allat sinnerlugit oqariartuuteqartarnissaq, allanilluunniit oqariartorfigineqarsinnaaneq.

Ateq atuakkamik ”Kalaallit Aqqi – Grønlandske personnavne”  Nuka Møllerimit allanneqartumit nassaarineqarpoq Inuillu Innarluutillit Illersuisuannit toqqarneqarluni.

 

Tiliup ilisarnaataa

December 2017-imi TILIOQ atserneqareermat ilisarnaatissamik unammisitsivugut.

Ilisarnaatissatut siunnersuutit kusanartut assigiinngitsullu nassiunneqarput. Naliliisartut Kristen Miilu Møller siunnersuutaa aalajangiuppaat, taassuma siunnersuutaa ilisarnaammut tulluarnerpaasorigamikku, tassami siunnersuuteqartup takorloorsinnaalersikkamiuk ”paartoq”, qajartorluni allakkanik pajuttuisartoq. Qajartortut titartarluarneqarput tulluarsarneqarlutillu, taamaalilluni Tiliioq maanna kusanarluinnartumik erseqqarilluinnartumillu ilisanaateqalerpoq nuannarilluinnakkatsinnik.

Skip to content
Skip to toolbar