Nunani allani suleqatit

Tiliop inuit innarluutillit atugarisaasa pisinnaatitaaffiisaasalu siuarsarnissaat periarfissaasalu pitsanngorsarnissaat sulissutigaa. Tamannalu aallaavigalugu nunatsinni nunanilu allani kattuffinnik suleqateqartarpugut.

Naalagaaffiit Peqatigiinnut nalunaaruteqartarneq

Tiliumiit inuit innarluutillit pisinnaatitaaffinnik tamanik tamakkiisumik piviusunngortitsisoqarnersoq nakkutigisussaavaa nalunaarusiaqarlunilu. Tilioq Naalagaffiit Peqatigiit inuit innarluutillit pisinnaatitaaffii pillugit komitemut  nalunaarusiortassaaq, naalagaaffeqatigiit uanilu Kalaallit Nunaat inuit innarluutillit pillugit isumaqatigiissummut misilinneqaleraagat. Tiliumiit inuit innarluutillit pisinnaatitaaffinnik naliginnaasunngortitsiniarluni suliniarnermini inuit pisinnaatitaaffini attuumassuteqartuni tamani ilanngunneqartarnissaat anguniassavaa. 

Inuit pisinnaatitaaffii pillugit institutti

Kalaallit Nunaanni inuit pisinnaatitaaffii pillugit nuna tamakkerlugu nakkutilliisuusoq Inuit pisinnaatitaaffii pillugit institutti ataavartumik Tiliumiit ilisimasat pillugit suleqatigineqartarpoq, Tiliumiit inuit innarluutillit atugaat pisinnaatitaaffiilu pillugit ilisimasagut aallaavigalugit suleqatigiinnermi naapertuukkaagat tunniussaqartarpugut. Inuit pisinnaatitaaffii pillugit institutti Tiliup sulineranut instituttimiit inuit pisinnaatitaaffii pillugit ilisimasanik tunniussaqartarlutik.

Nunat Avannarliit siunnersuisoqatigiivini inuit innarluutillit pillugit suleqatigiinneq 

Tilioq nunani avannarlerni siunnersuisoqatigiinnut innarluuteqarnermut tunngasunik sulinermi suleqataavoq. Soorlu nunatsinni innarluuteqarnermut tunngasunik ilisimasat aallaavigalugit Rådet för nordisk samarbete om funktionshinderimut siunnersuisarneq suleqatigiinnerlu ingerlanneqarput, ilaatigut nalunaarusiat nunani avannarlerni suleqatigiinnikkut pilersinneqarsimapput

Nunani avannarlerni kattuffiit suleqatit

Danskit inuusuttut kattuffiat SUMH (Dansk sammenslutning af unge med handicap) kiisalu Norskit kattuffiat UngeFunksjonshemmede ukiuni 2020-2022 suleqatigisarpagut suliniummi "Inuusuttut innarluutillit pisinnaatitaaffii aamma politikkikkut oqaaseqartarnermut suliniarnerat" sammillugit. Suliniutini Kalaallit Nunaanni inuusuttut aamma nunani avannarlerni inuusuttut attaveqatigiilernissaat siunertaavoq. Inuusuttullu aamma naapisinnerisigut inuiaqatigiinni, nunaminni nunanilu avannarlerni sunniuteqarlutik oqariartuuteqartarsinnaalernissaat.