Inatsisartut ukiakkut 2022-imi ataatsimiinneranni oqaluuserisassaat innarluuteqarnermut tunngassuteqarsinnaasut

08.09.2022

Ina.gl-imit assi tigusaq

Inatsisartut ukiaanerani ataatsimiinnissaat septemberip 23-ani ammarneqassaaq, inatsisartullu qulequttat 84-it oqaluuseriumaarpaat. Tiliup innarluuteqarnermut tunngasinnaasut immikkoortut katersorlugit maana saqqummiuppai. 

Inuit innarluutillit inuiaqatigiinni allat naligalugit inooqataammata, inuussutissarsiortuullutik, suliffeqarlutik, ilinniartuullutik, sunngiffimmi sammisassanut peqataallutik, peqatigiiffinnilu kajumissutsimik sulillutik tamallu oqartussaaqataanerannut soqutigisaqartuullutik. Peqqinnissaqarfiup neqeroorutaannik sullississutaannillu atuisuupput, soorlu kommunini aamma sullissinerit pisarlugit, inatsisartuni oqallisigineqartussat tamagimmik inunnit innarluutilinnit soqutigineqarsinnaapput. 

Immikkoortoq 30: Meeqqat ADHD-mik aamma autisme-mik nappaateqartut siusinnerusukkut paasineqartarnissaannut qanoq pitsanngorsaasoqarsinnaaneranut pilersaarummik Naalakkersuisut suliaqaqqullugit peqquneqarnissaannut Inatsisartut aalajangiiffigisassaattut siunnersuut.
Inatsisartunut ilaasortaq Mikivsuk Thomassen, Inuit Ataqatigiit

Immikkoortoq: 67: Innarluutillit kiffartuunneqarnerisa ineriartortinneqarnissaanut aamma annertusarneqarnissaanut suliniuteqalernissaq siunertaralugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Hans Peter Poulsen, Siumut

Immikkoortoq 78: Meeqqanut ikiorsiinerit pigasuartuunngitsut timikkut aammalu tarnip pissusaat pillugu immikkoortortaqarfimmut innersuunneqarnermiit annerpaamik qaammat ataaseq ingerlasimanissaanik anguniagalimmik innersuussinissaq kisitsisilersuinissarlu siunertaralugu tarnip pissusaa pillugu aammalu meeqqat timikkut nakorsiartarfianneersunik sukkasuumik suligasuartussanik suleqatigiissitaliornissamik Naalakkersuisut pilersitsinissaat siunertaralugu Inatsisartut aalajangiiffigisassaattut siunnersuut. Suleqatigiissitap taamatuttaaq aningaasatigut sulisutigullu pisariaqartitat ersarissassavaat. Suleqatigiissitap innersuussassat kisitsinerillu UPA 2023 nallertinnagu naammassisimassavaat.
Inatsisartunut ilaasortaq Anna Wangenheim, Demokraatit

Immikkoortoq 79: Tarnikkut atugarliorneq aammalu imminut toqunnissamut ernumanartoqarneq akiorniarlugit innuttaasut tarnikkut ikiueqqaarsinnaanissamut pikkorissarfissaannik periarfissiisoqarnissaanut suliniutissatut pilersaarutinik Naalakkersuisut suliaqarnissaat pillugu Inatsisartut aalajangiiffigisassaattut siunnersut. Sammisami attuumassuteqartut, uanilu immikkut piffinni ingerlatsisut kommuunillu suleqatigineqarnissaat Naalakkersuisunit annertuumik anguniarneqassaaq. Periusissiatut pilersaarutit kingusinnerpaamik 1. juni 2023 piareereersimassapput.
Inatsisartunut ilaasortaq Anna Wangenheim, Demokraatit

Immikkoortoq 80: Ilinniartitsisunngorlaat meeqqanut inuusuttunullu tarnikkut ajornartorsiutilinnut pitsaanerusumik sullissisinnaanngornissaat anguniarlugu ilinniartitsisunngorniarnermi tarnip pissusaa pillugu
ikiuigasuarsinnaaneq aammalu meeqqat tarnikkut nappaatigisartagaat pillugit ilisimatusarneq eqqunneqarnissaat anguniarlugu Naalakkersuisut sulissuteqassallutik peqquneqarnissaat pillugu Inatsisartut aalajangiiffigisassaattut siunnersuut.
(Inatsisartunut Ilaasortaq Anna Wangenheim, Demokraatit)

Immikkoortoq 83: Innuttaasut tarnimikkut napparsimasut innuttaasut akornanni inooqataaqqilertarnerannut annertusaanissaq anguniarlugu tarnikkut nappaatilinnut immikkoortortaqarfik aammalu pinerluttunik isumaginnittoqarfimmi sulisut ilinniakkamik qaffassaqqiffigisinnaasaannik immikkut suliaqarnissaq siunertaralugu Naalakkersuisut sukkanerpaamik Rigsmyndighed-mut attaveqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit

Immikkoortoq 89: Meeqqat ADHD-eqartut, ADD-eertut, autismeqartut aammalu/imaluunniit angstertut suussusersineqarnissaat taamaasillutalu ikiorsinnaanissaat qanoq pikkoriffiginerulersinnaanerinut tigussaasunik innersuussuteqartussanik suleqatingiinnik immikkut ilisimasalinnik pilersinnissaanik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut. Suleqatingiit immikkut ilisimasallit innersuussutit 1. juni 2023 nallertinnagu saqqummiutissavai.
Inatsisartunut ilaasortaq Nivi Olsen, Demokraatit

Immikkoortoq 112: Uunga siunnersuut: Inatsisartut inatsisaat siusinaartumik pensionisiaqartitsisarneq pillugu Inatsisartut inatsisaata allanngortinneqarnera pillugu.
Isumaginninnermut, Suliffeqarnermut Nunamullu Namminermut Naalakkersuisoq

Inatsisartut ukiaanerani 2022-imi oqaluuserisassaat tamakkiisut takukkit