IPPS-imiit aamma IPIS-imiit Naalakkersuisunut inassuteqaatit

Kalaallit Nunaanni Inuit Pisinnaatitaaffii pillugit Siunnersuisoqatigiit aamma Inuit Pisinnaatitaaffiinut Institutti 2019-imi innarluuneqarnermi naligiissinaanermilu killiffimmut nalunaarummi Naalakkersuisunut arlinnik innassuteqaateqarput.

Qinersinermi paasissutissiilluni aviisimi “innarluuteqartut pitsaanerusumik atugaqartariaqarput” saqqummiuteqqinneqarput.

ILINNIARTITAANEQInassuteqaatigaarput, Ilinniartitaanermut, Kultureqarnermut, Ilisimatusarnermut Ilageeqarnermullu
Naalakkersuisoqarfik:
• Ilinniartitaanermi inatsisini aalajangersarneqartumik naleqquttumik naleqqussaasussaatitaanerup qulakkeerneqarnissaa
suliniutigissagaa. Inassuteqaatigaarput, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup aamma Ilinniarfissuup – Ilinniartitsinermut Ilisimatusarfiup:
• Ilinniartitsisut tamarmik, tamassuma ataani meeqqat atuarfianni ilinniartitsisut, ilinniartunik assigiinngitsunik innarluutilinnik
ilinniartitsinissamut piginnaasaqalernissaat anguniarlugu, ilinniartitsisunngorniat ilinniartitsisullu ilinniaqqittut ilinniartunik assigiinngitsunik innarluutilinnik, ilaatigut ilinniartitsinermi atortut naleqquttut atorlugit peqataatitsilluni ilinniartitsinermik ilinniartinneqartarnissaat qulakkiissagaa.

TIKINNEQARSINNAANEQInassuteqaatigaarput, Naalakkersuisut:
• Illut tikinneqarsinnaanerat, assartuutit tamanit atorneqarsinnaasut pisortallu nittartagaasa atorneqarsinnaanerat pillugu malitassat ersarissut atuutilersissagaat.
• Inunnik sulianik ingerlatsisartunut sulianut attuumassuteqartunut illut tikinneqarsinnaanerat pillugu pinngitsoorani
pikkorissarnissaat atuutilerseqqissagaat.

NAMMINEERLUNI INUUNEQARSINNAATITAANEQInassuteqaatigaagut:
• Kommunit innuttaasui Danmarkimi inissinneqarnikut kikkut Danmarkimit angerlartinneqarsinnaanersut kommunit
ataasiakkaat misissussagaat.
• Innuttaasunik inissinneqarnikunik Danmarkimit angerlartitsinerup inunnik innarluutilinnik paaqqiinnittarfinniitsitseqqinnissamik kinguneqannginnissaa Naalakkersuisut kommunillu qulakkiissagaat.
• Najugaq isumaginninnerlu pillugu inatsit malillugu tapersiisarnerup tamakkiisumik immikkoortinneqarnissaasa
qulakkeerneqarnissaat Naalakkersuisut suliniutigissagaat.

PAASISSUTISSATNAATSORSUEQQISSAARINERLUInassuteqaatigaarput Naalakkersuisut:
• Inuit innarluutillit inuunerminni atugaasa ineriartornerat pillugu paasissutissanik naatsorsueqqissaarinernillu
pissarsisarnissaq nutarterisarnissarlu qulakkiissagaat, tassunga ilanngullugit inuiaqatigiinni immikkoortuni pingaaruteqartuni,
assersuutigalugu ilinniagaqarneq, suliffeqarneq peqqissuserlu.

FN-IMUT NAAMMAGITTAALIUUTEQARSINNAANEQInassuteqaatigaarput Naalakkersuisut Danmarki oqaloqatigalugu:
• Kalaallit Nunaannut territoriamut atuutsitsinnginneq atorunnaarsissagaa, taamaalilluni innarluutillit pillugit isumaqatigiissummut ilassut inuup nammineq malaarsinnaanera pillugu Kalaallit Nunaanni atuutilersinneqassalluni.

NALIGIISSITAANEQ
Innersuussutigaarput, Naalakkersuisut suliniutigissagaat:
• Ilaatigut suiaassuseq, ammip qalipaataa imaluunniit inuiaassuseq, innarluuteqarneq, ukiut, atoqateqartarnikkut qanoq inissisimaneq, suiaassutsikkut kinaassuseq aamma upperisaq pillugu immikkoortitsinermut nalinginnaasumik illersuisussamik inatsisissatut siunnersuummik saqqummiussinissaq, taannalu suliffeqarfeqarfiup iluani avataanilu atuutissasoq, kiisalu siunnersuut attuumassuteqanngitsumik naammagittaalliornermi aalajangiisartunik pilersitsinissamik imaqassasoq.
• Iliuusissatut pilersaarummik, immikkoortitsisarnermut allornikkaartumik pitsaanerusumik illersuisumik qulakkeerinnittumik
atulersitsissasut.

Inuit pisinnaatitaaffii pillugit siunnersuisoqatigiit annerusumik uani paasisaqarfigikkit:

www.humanrights.gl

Inuit pisinnaatitaaffiinut institutti uani annerusumik paasisaqarfigiuk:
www.menneskeret.dk