Juulli 2020
16.12.2020
Ukioq 2020 ulapiffiusoq, ilinniarfiusoq, pisoqarfiusorlu qaangiutilerpoq.
Ukioq manna naammassisaqaqaagut, inunnullu innarluutilinnut tunngasunik nutaarsiassakkuungaatsiarluta. Inuit innarluutillit illersuisuattut piffissara oktoberimut killeqartup nallertinnagu naammasserusutakka amerlaqimmata aamma ilaatigut ulapaarfiusarsimaqaaq.
Inuit innarluutillit illersuisuattut toqqarneqaqqinnera nuannaarutigaara qujamasullungalu. Toqqarneqaqqinninnut atatillugu piffisaq annertooq atorparput ukiunut pingasunut tullernut siumut pilersaarusiornermut.
Neriuppunga 2021-mi kingumut peqatigiilluta inunnut innarluutilinnut atugassarititaasut pissutsillu aalluteqqikkumaarigut. Kalaallit Nunaanni inunnut innarlulinnut kikkunnullu tamanut iluaqutaassussamik allanngueqataasussaavugut, allannguisinnaallutalu.
Asasitit illillu juullisiorluarnissannik kissaappassi, ukiumut qaangiuttumut qujanarujussuaq, ukiortaassamullu pilluarfiusumik kissaappakkit.
Inussiarnersumik inuulluaqqusillunga
Inuit Innarluutillit illersuisuat