Pissassarfik

21.04.2021

Pissassarfik Kalaallit Nunaat tamakkerlugu innarluuteqarnermut ingerlatsiviuvoq, Sisimiuni inissisimasoq.Inuit innarluuteqartut inuunerisa pitsaassusaata ineriartornerisalu tapersersornissaat Pissassarfiup anguniaragaa.
Taamaaliorpugut imaaliorluta:
• Innuttaasunut – meeqqanut, inuusuttunut, inersimasunut Pissassarfimmi najugaqarneq
• Siunnersorneqarneq ilitsersorneqarnerlu
• Pikkorissaanerit innarluutilinnillu katersuutsitsinerit

NajugaqarneqPissarsarfiup neqeroorutigaa innuttaasut ingiallorteqarlutik imaluunniit inummik tapersersorteqarlutik Pissassarsimmi sungiusarnissaat ilinniartinneqarnissaallu.
Pissassarfimmi najugaqarusukkaanni kommunimi sullissisumut saaffiginnittoqarsinnaavoq iliuusissanik pilersaarusiuunneqarlunilu Pissassarfimmut innersuunneqarluni. Pissassarfimmi najugaqarnerit nalinginnaasumik
ullut 14-iusarput, innuttaasup kissaatai pisariaqartitaalu aallaavigalugit aaqqissuunneqartartut. Timimik
sunigusaasuuvugut, pillorissaasuulluta perorsaasuullutalu. Sungiusarneq ilinniartitsinerlu inuit ataasiakkaat ulluinnarni
inuunerannik aallaaveqartarpoq. Tassaasinnaavoq timimik sungiusarneq, ulluinnaat aaqqissuunnissaannut ikiorneqarneq
imaluunniit sunngiffimmi sammisassanik siunnersorneqarneq. Aamma misissortarparput ikiorsiiniutit suut pisariaqarsinnaanersut avatangiisinilu qanigisami sungiusarnissamut suut periarfissaanersut.

Siunnersuineq ilitsersuinerluPissassarfiup sulisui tamanut pisariaqartitsisunut innarluutit pillugit siunnersuisarlutillu ilitsersuisarput – innuttaasunut
innarluuteqartunut, qanigisanut, sulisunut tapersersortinullu. Sullissisinnaanngilagut – taamaallaat innersuussisinnaalluta.
pissassarfik@nanoq.gl allaffigiuk
imaluunniit uunga sianerlutit 34 50 70

Pikkorissarnerit innarluuteqartunillu naapeqatigiissitsinerit                                                                                         

Pissassarfik tapersersortinut sullissisunullu pikkorissartitsisarpoq. Pikkorissarnernut nalunaarneq suliffeqarfik aqqutigalugu pisarpoq. Ukiumut marloriartumik innuttaasut innarluuteqartut katersuutsinneqartarput. Katersuutsitsinerit tamarmik qulequtaqartarput, taannalu kommunini innarluuteqarnermut ataqatigiissaarisumut sullissisunullu nalunaarutigineqartarpoq. Innarluutillit katersuutsitsinerannut nalunaarneq inuit ataasiakkaat sullissisui aqqutigalugit pisarpoq. 2021-mi upernaakkut COVID19 peqqutigalugu pikkorissaasoqaranilu katersuuttoqassanngilaq..