Suliffeqarneq: Pitsaanerujussuusinnaavoq
13.04.2021
Suliffeqarneq inunnut innarluuteqartunut tulluarsagaanngilluinnarpoq, pillorissaasoq Sara Jilsø Fleischer
nammineq innarluuteqartoq pisortanullu sorsuuteqartuarsimasoq isumaqarpoq.
oqariartuutaa ukunani takuneqarsinnaavoq, facebookimi #NIIKGIVEME5 aamma qineqqusaarnermi paasissutissiilluni aviisimi “Innarluuteqartut pitsaanerusumik atugaqartariaqarput.”
Meeqqat atuarfianiit inuusuttut ilinniarfiinut ikaarsaariartunut ajornartorsiuteqarpugut. Imaluunniit suliffeqarfimmi
ilinniarfissaminnik pissarsiniarneranni, piumasaqaatit maannakkut atuuttut naapertorlugit. Taama pillorissaasoq
Sara Jilsø Fleischer oqaluttuarpoq, nammineq ipinertigut nappaammik Ehlers-Danlosimik nappaateqartoq, pernermigut Madelungimik innarluuteqartoq taamaattumillu tamakkiisumik sulisinnaanani.
Nassuiaavoq inuit innarluuteqartut inuusunnerminni sunik piginnaasaqarnersut piginnaasaqannginnersulluunniit qitiutissallugu pingaartuusoq. Pingaartuuvoq inersimasutut sulilernissaminnut ingerlariaqqinnissaannut sapinngisamik pitsaanerpaamik ikiornissaat. Taamatut pisoqanngikkaangat inuusuttut innarluuteqartut inuuniarnerminni ajornartorsiuteqalersinnaapput.
– Inuusuttuaraanerminni tassungalu atatillugu kinaassutsiminnik ajornartorsiuteqarnermik saniatigut ilungersorlutik paasiniartarpaat innarluutiminnut atatillugu kinaanerlutik, sutigullu suleqataasinnaanerlutik, Sara oqarpoq. Isumaqarpoq Kalaallit Nunaanni inuit innarluuteqartut ilaatinneqarnerunerisa nutaajunera ajornannginnerulersitsinngitsoq. Suliffeqarfiit inunnut innarluuteqartunut tulluarsagaanngillat, nassuiaavoq.
– Suliffeqarnikkut ajattugaasoqartarpoq. Atorfiit ilaat inornarsinnaasarput arlaatigut piginnaasakinnerugaanni.
Aporfissat nammineerluni qaangeruminaassinnaasarput, tamannalu inuiaqatigiinnut imaluunniit inunnut ataasiakkaanut siunissamut ungasissumut aaqqiissutissaanngilaq. Inuppassuimmi innarluuteqartut siusinaartumik soraarnerussutisia-qalersarput. Inuiaqatigiit imaattariaqarput meeqqat inuusuttullu atasinnaasumik piginnaasaqalernissaannut qulak-keerneqarlutik, inersimasullu piginnaasakinnerulersimasut/innarluuteqalersimasut piukkunnarsaqqinneqarnissaat qulakkeerneqarluni. Kommunini peqqinnissaqarfimmilu. Inissaqartitsineq Sara Jilsø Fleischerip Kalaallit Nunaanni suliffeqarnikkut allatigut inissaqartitsisoqarsoraa. Napparsimagaanni angerlarsimasoqarsinnaavoq. Meeraq nassaraanni tamanna suliffeqarfinni aamma inissaqartinneqarpoq.
– Taamaalilluta nunarpassuarnut allanut naleqqiulluta pitsassuarnik suliffeqarnikkut kultureqarpugut, oqarpoq.Suulli tamarmik ajunngitsuinnaanngillat. – Ullup ilaani sulisoqarnissaa…taamaattut inuttassarsiuunneqartut takukulanngilavut. Immaqa inuit ilaasa tamakkiisumik sulisinnaannginnerat inissaqartittorsuunngilarput. Sulisussarsiornermi imaluunniit suliffeqarfinni ataasiakkaani, Sara oqarpoq namminerlu misilittakkani eqqaallugit:
– Inissaqartitsineq taamaattorpiaq amigaatigigakku suliunnaartariaqartarsimavunga. Piginnaasaqarfinni suliffissarsioraangama ammasumillu pissuseqarlunga oqarlunga piffissami tamakkiisumi sulisinnaananga aperalunga piffissap ilaani sulisinnaanerlunga. Namminersorlutik Oqartussani, peqqinnissaqarfimmi atorfiit pineqarput, kommuninilu atorfiit, oqaluttuarpoq tikkuarlugulu soorunami tamanna inunnut piginnaaneqartunut inuiaqatigiinnillu sullisseqataarusuttunut aporfiusoq annertooq.
Aalajangiinermiit iliuuseqarnissamut ungasissoq Kalaallit Nunaat inatsiseqarnikkut angusarippoq. 2020-mi innarluuteqarnermut nutaamik inatsiseqalerpoq, 2017- imi piginnaanngorsaaqqinneq pillugu inatsiseqarluni, inuit piginnaanngorsaqqinneqarnissamut periarfissaqarlutik eqaannerusumillu suliffeqarlutik, tamakkiisumik sulisinnaanngikkunik.
– Pisortat tassaasariaqarput ”ikiuisut”, taammaassappalli inuit ataasiakkaat ikiornissaannut ilisimasaqartariaqarpoq, inuk pineqartoq qaffasissumik ilinniarsimasuuppat imaluunniit ilinniagaqarsimasuunani. Tamanna kommunit Majoriamut ingerlatassanngortippaat. Tassanilu piginnaanngorsaanissamut pisariaqartitsisoqarpoq, oqarpoq.
Nunarpassuarni allani inuit innarluuteqartut sulilernissaannut piginnaanngorsaqqiinissamut tamakkiisumik periuseqarput, saniatigullu inunnut ataasiakkaanut ataatsimut isigaluni iliuuseqarluni.
– Uanga nammineq misigisimasakka malillugit nunatsinnili suliffeqalersitsiniarluta aaqqissuussisimanngilagut: Ulloq suliffiusoq allatut aaqqissuunneqartariaqarpoq, suliassamut taarsiisoqartoqartariaqarpoq, ikiuuteqartariaqarlunilu.
(Boksimiittut ataani atuaruk, aaqq.). Qanoq naleqqussaasoqartariaqarneranut najoqqutassat pingasut, inuttut piginnaasakinnerusunut atorfik ingerlanneqarsinnaassappat, oqarpoq.
Suliffimmi
naleqqussaanermut
assersuutit
• Suliassap aaqqissuunnera
• Suliap allanngortinnera
• Ikiuiniutit
• Inuttut ikiorteqarneq
Sulineq Suliffeqarnikkut peqataatitsisariaqarpugut!
Tikikkuminartoq naleqqussarsimasorlu. Naak tamakkiisumik sulisinnaanngikkaluarlunga inissaqartinneqarpunga. Inunnik innarluuteqartunik nammineq atorfinitsitsinissamut kommuni immikkut akisussaaffeqartoq, tapersersuilluni suliffeqarfiillu tamatigoornissaannut peqataatitsinissaannullu kajumissaarlugit.
Suliffeqarfinni ilitsersuisoqarnermik aaqqissuussisimasoq. Inunnik innarluuteqartunik namminersorlutik suliffeqarfittaarnissaminnik kissaateqartunik tapersersuisoq.
Angusassaq suli ungaseqisoq
Inuit innarluuteqartut sulisinneqarsinnaagunik pisuussutaapput annertuut, pisortaniilli qulaatiinnarneqartuarput,
Sara Jilsø Fleischer isumaqarpoq. – Piginnaasaqarput suliffeqarfiit atorluarsinnaasaannik, ersarissarneqartariaqarpullu, taamaassappallu oqaluuserisariaqarpavut. Angerlarsimaffinni kaffisorujoorutaa aammali Majoriami aaqqissuussamik qaffasissumillu, kommunit taanna suliassamik ingerlatsisuussaatimmassuk.
Majoriarli kisimi isiginiarneqassanngilaq.
– Pisariaqartumik ikiuisoqarsinnaanissaa isumagisariaqarparput. Inuit sulisinnaagaluartut angerlarsimaffimminnili pisariaqartitaminnik ikiorneqarsinnaannginnerat atorsinnaanngilaq taamaalillutillu sulinissaminnut nukissaqaratik, Sara oqarpoq,
kissaatiginartillugulu iliuuseqartussat attuumassuteqartut tamarmik akuutinneqarnissaat. Matumani meeqqanik sullissisut eqqarsaatigai, ikiuutinut atatillugu sullissisut, inigisat ilinniarfiillu.
– Suliffeqarneq saniatigullu inuuneqarneq oqimaaqatigiittariaqarput. Inuup innarluutillip ulluinnarni inuunini ingerlassinnaaniarlugu nukissami 80 procentii atortarpagit sinneruttullu kommunimut ilungersorniaraluarluni, taava sulisinnaassanngilaq, oqarpoq.
– Inatsimmi allassimavoq inuit innarluutillit ataatsimut nalilersorneqartassasut; taamaattumik aamma taamaaliortaria-qarpugut. Sarap nassuerutigaa inatsit ukiumit ataatsimit pisoqaassuseqartoq nutaajummat, tupigaali NamminersorlutikOqartussanit suli inatsimmut nalunaarummullu akuerisaasumik ilitsersuusiortoqarsimanngimmat imaluunniit illersuiseqarnermut aaqqissuussamut ilinniarnissamut pilersaarusiortoqarsimanani.
– Anguniagaq suli ungasissupilussuuvoq, anersaaruluppoq.
Issi Productions suleqatigalugu NIIK aamma Tilioq NIIKGIVEME5 suliffeqarnermut tunngasumik videomik suliaqarput.
Sara Jilsø Fleischer suliffeqarnermut tunngasumik kommunimut qineqqusaartunut oqariartuutaa takuuk: