#taasinerittitusindtit: Inuit innarluutilinnut politikki agusaqarfigineqarusuttoq pillugu oqaluttuarisaanermut ilannguttussanngortumik inuppalaartumik paasititsiniaaneq Kalaallit Nunaanni aallartinneqalerpoq
16.05.2023
Nuna tamakkerlugu paasititsiniaaneq nutaaq inuit innarluutillit pisinnaatitaaffiinik politikkikkut oqaluuserineqassaaq. Kalaallit Nunaanni inuit innarluutillit peqatigiiffii paasititsiniaaneq, inuit qanorluunniit innarluuteqaraluarpata – inuit allatuulli inuiaqatigiinni peqataasinnaanerinik – politikerinut piumasaqaatitaqartoq #taasinerittitusindit aallartinnikuuaat.
Politikerit akisussaaffimmik tigusissapput
Ullumikkut kalaallit innarluutillit peqatigiiffii inuppalaartumik paasititsiniaaneq nutaaq ima taaguuteqartoq #taasinerittitusindtit aallarnerpaat. Ukiorpassuit inunnut innarluutilinnut ajattuisarneq immikkoortitsisarnerlu atorunnaarsinnissaannut paasititsiniaanerussaaq.
Paasititsiniaanermi anguniagaq tassaaoq inunnut innarluutilinnut atugassarititaasut pitsanngorsarnissaat. Tamanna politikerinut kimigiisernikkut pissaaq, aallarniisut isumaqarmata inuit innarluutillit pingaartinneqarsimanngitsut. Paasititsiniaanermi piumasaqaatigineqartoq tassaavoq Kalaallit Nunaanni tamanut inuiaqatigiinni naligiinneq ilaatitsinerlu tamaviaarutigineqarnissaa.
Paasititsiniaanermi ”#taasinerittitusindtit” erseqqissaatigineqarusuttoq tassaavoq inunnut innarluutilinnut politikki ikittuinnarnut tunngassuteqanngitsoq, taamaattorli inuiaqatigiinnut annertuumik tunngassuteqartoq. 10.000-it innersuutit Kalaallit Nunaanni inuit inarluutilippassuusut arlaatigut innarluuteqartut – 15 % -it missaaniipajaartut - innuttaasullu amerlanerit ulluinnarni inunnik piginnaasakillisumasunik unammilligassalinnik immikkoortinneqarnermillu misigisaqartartunik nalunngisaqarput.
Anja Hynne Nielsen, inuit innarluutillit illersuisuat ima oqarpoq:
”Neriuutigilluinnarpara paasititsiniaanerup takutissinaagaa inuppassuaqartoq arlaatigut innarluutilinnik. Soorunami aamma neriuppunga politikeritta inuppassuit sullitatik innarluuteqavittut eqqarsaatigissagaat, taamaattumillu inuit innarluutillit pisinnaatitaafiinik suliaqarneq nuannarineqarluarluni inuppalaartumillu oqaluuserisassaasoq, politikeriniillu soqutiginngitsuusaarneqarsinnaanngitsoq.”
Paqumisunneq piuneerutsinneqartoq
Paasititsiniaaneq aamma innarluutit pillugit paqumisunnermik piuneertutitsineruvoq. Nalinginnaasumik innarluuteqarneq Kalaallit Nunaanni paqumigineqartorujussuuoq. Neriuutigineqarpoq #taasinerittitusindtit paasititsiniut nuna tamakkerlugu inuit innarluutillit takusinnaassagaat unammilligassatik kisimi nammanngikkaat, aammalu sassarnissaminnut sapiillisaarlutillu oqaluttuassartatik oqaluttuarissagaat. Takussaaat ajornartorsiutaat immikkuullarissuunngitsut; kisimiigatik – aammalu inuiaqatigiit ima aaqqissugaanngitsut inuit innarluuteqanngitsut allat naligisinnaallugit. Tiliumimi isumaqarpugut, inuit tunngaiulluinnartumik pisinnaatitaaffimminnik qulakkeerinninnissaminnut ilungersuuteqartut kisissaanngilluinnartut.
Anja Hynne Nielsen ima oqarpoq:
”Kalaallit Nunaat inunnut innarluutilinnut tunngasunik nunarsuaq tamakkerlugu pisussaaffiup malinnissaanut kinguarsimavoq. Taamaammat ersarippoq pisortatigoortumik annertuumik ukkatarinerunissaa suliassaqarfimmullu politikkikkut piumassuseqarfiginissaa. Neriuutigilluinnarpara paasititsiniaanerup politikeritsinnut inuppalaartumik taperseeqataasinnaasoq, taamaalillutik inuit innarluutillit pillugit suliassaqarfimmi iliuusissamik pilersaarummik anguniagassartaqarluartumik akuersissuteqarniassammata, matumuuna nunarsuaq tamakkerlugu pisussaaffitsinnut naapertuuttussamik inuttullu isiginnitaaseq ataqqinartuussasoq.”
Oqaatsini nangippai:
”Isumaqarlunnarpunga inuit innarluutillit ilaqutaallu ilungersuutitik namminneq kivittaraat naleqarluinnartumik imminnullu qitiutillutik aammalu aaqqissuussaaneq torinngittoq pilllugu misilittakkaminnik aammalu siunissami kiffaanngissuseqarnerusumik naligiinnerusumillu ingerlasoqalernissaanik takorluukkaminnik avitseqateqartut, aammalu innarluuteqaannarlutik sumiginnarneqassanngitsut. Pingaaruteqarpoq, pineqartut tusaaqqaarnagit politikkikkut aalajangiisoqartariaqanngilaq – taamaattumik ukioq manna isumasioqatigiisitsinissami oqaasinnaarineqartussaq tassaassaaq: “Nothing about us without us” (Uagut pineqartilluta avaqqunneqassanngilagut).
Paasititsiniaaneq danskit paasititsiniaataannit ”#enmillionstemmer” isumassarsiarineqarpoq, inuit innarluutillit pillugit suliassaqarfimmi politikkikkut ukkatarinnilertitsinikumit, Danmarkimilu inunnut innarluutilinnut pissutsinik pitsanngorsaanissamut innuttaasuniit siunnersutinik saqqummiussisoqarnikuuvoq. som har formået at skabe politisk fokus på handicapområdet og har fremsat borgerforslag for at forbedre forholdene for personer med handicap i Danmark. ”#taasinerittitusindtit” aallarnerneqarnissaa Tiliup Ilulissani isumasioqatigiisitsinissaani pissaaq, tassani ulluni kingullerni nunatsinni inuit innarluutillit peqatigiiffii katersuunnikuullutik.
Facebook: https://www.facebook.com/groups/504420205109446/
Oqaasissaqaraanni, inuit innnarluutillit illersuisuat ugguuna attavigineqassaaq Anja Hynne Nielsen på tlf.: +299 26 28 71 imaluunniit ugguuna mail: anja@tilioq.gl
Asannittumik inuulluaqqusillunga
Med kærlig hilsen
Anja Hynne Nielsen
Inuit Innarluutillit Illersuisuat - Handicaptalsmand
Mobil: (+299) 26 28 71
Telefon: (+299) 55 19 50
Email: anja@tilioq.gl