Tilioq avannaamioqatigiit inuusuttut naapinnissaannut qaaqqusivoq

Inuusuttuuguit 16-35-illu akornanni ukioqarlutit, inuusuttuunermik aamma innarluuteqarnermut uummaammioqarlutit avannaamioqaternillu inuusuttunik naapitaqarusullutit, taava Tiliup, SUHM-ip aamma Unge Funksjonshemmedep aaqqissugaannut Sisimiuni inuusuttut naapisinnissaannut qinnuteqarit.

Suna: Tilioq, SUMH (DK) aamma Unge Funksjonshemmede (NO) Avannaamiut inuusuttut isumasioqatigiisinneqar-nissaannut qaaqqusipput, naapinnermi inuusuttuuneq innarluuteqarneq, allannguineq aamma peqatigiinneq qulequtarineqassapput. Isumasioqatigiinnermi inuusuttut innarluutillit allat peqatigalugit inuiaqatigiinni, politikkerini aamma inuusuttut akornanni sammineqartanngitsunik aamma eqqartorneqarpallaartanngitsunik eqqartueqatigiissapput. Ilisimasassat suut amingaataappat? Inuiaqatigiillu inuusuttunik inissaqartitsisut qanoq pilersissinnaavagut? Kalaallit Nunaanniit, Norgemiit aamma Danmarkimiit peqataasoqassaaq, peqataanermi inuusuttoqatitit allat naapinnissaannut kiisalu inuttut nammineq misilittagarnik saqqummiinissarnut allanillu paasisaqarnissarnut periarfissinneqassaatit.                                                                                                    Isumasioqatigiinnermi misigisartakkatit, ilisimasatit aamma isummat sammiumaarpagut. Uummammioqaruit oqariartuutissaqarlutillu allanut tusartikkusutannik, isumasioqatigiinnissarlu soqutiginartikkukku taava peqataanissamut qinnuteqarit.                                                                                                                                          Qaqagu: Sisimiuni sisamanngornermi novemberip 11-aniit sapaammut novemberip 14.-anut 2021-mi 

Kikkut: Nunatsinni inuusuttut innarluutillit tamarmik peqataanissamut qinnuteqarsinnaapput. Isumasioqatigii-sitsinissamut inissat killeqarput. Qinnuteqarsinnaavutit, naatsumik imminut ilisaritillutit, isumasioqatigiisitsinissamullu sooq peqataarusunnerlutit, uunga mailikkut nassiussisinnaavutit drude@tilioq.gl imaluunniit Facebookimi Tilioq-inuit innarluutillit illersuisuat/Handicaptalsmanden-imut messengerikkut allallutit. Oqarasuaatikkulluunniit Drude 34 50 92-imut sianerfigalugu, isumasioqatigiinnissaq pillugu saaffigalugu.

Kingusinnerpaamik qinnuteqarfissaq:  Sisamanngorneq oktoberip 7.-at 2021