Tiliup kommuninut innersuussutai 10

1) Kommunit sulianik suliarinnittarnerup pitsaasusaanik qulakkeerinninniarlutik suleriaatsinik ersarissunik aalajangersaassasut

2) Inuit innarluutillit tapersersorneqarnissaannut qinnuteqaatinik akissuteqarnissamut
piffissaliinernik ersarissunik atuutilersitsissasut, paasissutissallu taakku innuttaasunit pissarsiarineqarsinnaassasut.

3) Inuit innarluutillit tapersersorneqarnissaannut sulianik suliarinninnermi illersuisoqarsinnaanerannik tamatigut
neqerooruteqartoqartarnissaannut suleriutsinik atuutilersitsissasut.

4) Inuit innarluutillit aamma qanigisaasut kommunini inunnut innarluutilinnut siunnersuisoqatigiinni peqataatinneqartarnissaat qulakkeerneqartassasoq.

5) Kommunit inunnut innarluutilinnut ilaqutaasunut ikiuisarnissaq tapersiisarnissarlu qulakkiissagaat, assersuutigalugu
ilinniartitsinikkut, sulinermi isertitassanik annaasanik taarsiisarnikkut aamma ilaqutaasunut inunnut innarluutilinnut ikiuisunut tapersersuilluni oqaloqateqartarnikkut.

6) Kommunit inunnut innarluutilinnut ilitsersuisarnerminni inatsisit naapertorlugit neqeroorutinik pisinnaatitaaffiillu
aallaavigalugit ilitsersuisarnermi suleriaatsinik aalajangersimasunik atuutitsilissasut.

7) Innuttaasut allat naligalugit inoqatinik attaveqarniarnermi innarluuteqarneq akornutaassanngilaq. Kommunit kaammattorumavagut inuit innarluutillit pillugit naliginnaasumik ilisimasaqarnerulissasut aamma ulluinnarni
inuuniarnermikkut atugaat ilanngullugit.

8) Kulturikkut aaqqissuusinerni aamma inunnut innarluutilinnut timersortitsisarneq pitsanngorsaasoqarsinnaavoq,
unnukkullu atuartitsisarnerit inunnit innarluutilinnit peqataaffigineqarneqarsinnaaneri qulakkeerlugit. Soorlu imatut aaqqissuusinikkut inuit maluginnissinnaassutsimikkut, tarnikkut, eqqarsartaatsimikkut timimikkullu innarluutillit peqataatinneqarsinnaanissaat eqqumaffigalugit.

9) Ataqatigiissumik aamma tamakkiisumik isiginnilluni iliuuseqartoqartassasoq peqqinnissaqarfik peqatigalugu, annermillu inoqarfinni inukinnerusuni.

10) aalajangiinerni maalaruteqarnissamut periarfissaqarneq pillugu innuttaasunut ilitsersuisarnermi suleriaaseqalissasut,
soorlu aamma aalajangiinerit allakkatsigut innuttaasumut tunniunneqartarnissaat qulakkeertassallugu.