Video nalunaarutiginnittussaatitaanermut tunngasoq

Inuit innarluutillit illersuisuat Christina Johnsen nalunaarutiginnittussaatitaaneq pillugu paasissutissiivoq: 

Ilisimaviuk?! Inummik innarluutilimmik atugarliortumik ernumassuteqaruit taava pisussaatitaavutit kommunimut nalunaaruteqassallutit, inummik sapaatip akunnerata siuliani oqaloqateqarpunga, taanna utoqqarmik kaassuartakkamik issiavilimmik atugarliorsorisaminik ernumassuteqarpoq, taassumali ilisimanngilaa kommunimut ernumassutigisani pillugu ilisimatitsisussaatitaalluni, tassami inatsimmi §32 tamanna allaqqavoq, Christina Johnsen oqarpoq.

Inuit innarluutillit tapersersorneqarnissaannut inatsimmi § 32 ima allaqqavoq: Inuup innarluutillip atugarissaarneranut, peqqissusaanut imaluunniit ineriartorneranut navianartorsiortitsisumik atugaqartinneqartoq innuttaasup paasiguniuk, innuttaasup kialluunniit kommunalbestyrelsimut nalunaaruteqarnissani pisussaaffigaa.