Inuit Innarluutillit Illersuisoqarfiani Tilioq siunnersortitut suliassiissummut atorfimmut inuttassarsiuussineq – Terms of Reference pillugu suleqatigisanut siunnersuineq

Tunuliaqut:

Tilioq suliffeqarfiuvoq, inuit innarluutillit pisinnaatitaaffiinik kiisalu inuunermi atugarissaannik siuarsaanissamik suliaqartoq, tassani tunngavigineqarpoq FN-ip inuit innarluutillit pillugit pisinnaatitaaffii pillugit isumaqatigiissut. Suliffeqarfiup sulissutigiuarpaa innuttaasut innarluutillit inuiaqatigiit oqallinneranni peqataanissaat, kiisalu taakku nipaata tusaanqarnissaannik qulakkeerinninnissaq kissaatigalugu.



Siunnersortitut suliassiissutip siunertaa:

Siunnersortitut suliassiissutip matuma siunertaraa, suleqatitut siunnersuisarnikkut, inuiaqatigiinni, FN-ip inuit innarluutillit pisinnaatitaaffii pillugit isumaqatigiissutaanik malinninnissamut Tiliup takorluugaata eqqortinnissaanut ikiuineq. Siunnersortip ‘positive enquiry’ aqqutigalugu suleqatitut siunnersuisarnikkut, Tiliup suleqatigisartakkatut, ilisimasaqarfittut ilisimasanillu pilersitsivittut inissisimanerata nukittorsaassaaq kiisalu nunami kiisalu kommunini politikkini inuit innarluutillit pisinnaatitaaffiisa tamani ilaatinneqarnissaannut tapertaassalluni.

Siunertamut tassunga Tiliup kissaatigaa misissuineq nalunaarusiarlu, Tiliup suliassani inatsisitigut pituttorsimasut sapinnginnissaanut, kiisalu Kalaallit Nunaanni inuit innarluutillit iluaqutissaannik suliniutinik immikkut ittunik tunniussinissamut tapertaassapput. Tamanna Tiliup periusissatut pilersaarusiassaanik nutaamik suliaqarnissamut tunngavigineqassaaq.

 

Suliassap nassuiarnera:

Siunnersortip ‘positive enquiry’ aallaavigalugu suliassat tulliuttut suliarissagai naatsorsuutigineqarpoq:

  • Suleqatigisanit Tiliup suliai pillugit paasissutissanik katersineq, ilaatigut Tiliup suliaani pingaarnerit kiisalu sammisassat amigaataasut erseqqissarneqassallutik.
  • Paasissutissanik katersorneqartunik peqqissaarussamik misissuinermik naammassinninneq.
  • Misissuineq taaneqartoq tunngavigalugu, misissuinermi akissutit qanoq Tiliup periusissiaata ilusilersorneqarnissaanut ilanngunneqarsinnaaneranik siunnersuutaasumik nalunaarusiamik suliaqarneq.
  • Nalunaarusiamik kiisalu katersorsimasanik Tiliumut saqqummiineq.

 

Piffissaliussaq:

Siunnersortitut suliaq decemberip qeqqa 2023 nallertinnagu naammassineqarsimassasoq naatsorsuutigineqarpoq, pisariaqartitsinermi sivitsorneqarsinnaassaaq.

 

Nalunaarusiorneq:

Siunnersorti suliamik suliaqarnermi siuariaatit, inernerit aamma unammillernartuusinnaasut pillugit aalajangersimasumik Tiliup allaffeqarfianut nalunaaruteqartassaaq.



Akissarsiarititat:

Siunnersortitut suliassamut akissarsiarititat Tiliup aamma siunnersortip akornanni immikkut isumaqatigiissuteqarnikkut aalajangersarneqassapput, kiisalu siunnersortip misilittagai aamma ilisimasai, kiisalu suliassap annertussusaa tunngavigineqassallutik.



Qinnuteqartitsinerup ingerlanissaa:

Siunnersortit soqutiginnittut qinnuteqaammik nassiussinissamut kajumissaarneqarput, tassunga ilanngunneqassapput CV kiisalu suliat assigusut pillugit misilittakkat nassuiarnera, kingusinnerpaamik ataasinngorneq ulloq 30. oktober 2023, kiisalu akissarsiarititassat annertussusaat naatsorsuutigisat ilanngunneqassallutik.

 

Attavissaq:

Annertunerusumik paasisaqarusukkuit imaluunniit qinnuteqaat nassiunniarukku, uunga allagit info@tilioq.gl