Avannaamioqatigiit inuusuttut innarluutillit naapinnerat 2021

Norgemit, Danmarkimit Kalaallit Nunaanniillu inuusuttut innarluutillit kiisalu aaqqissuisut ataatsimut assiat. Assiliisoq Arnajaraq Støvlbæk

Inuusuttut oqariartuutaat saqqummiussat

Inuusuttut nunani avannarlerneersut politikkikkut inassuteqaataannik Kalaallit Nunaanniit Jørna Maria Larsen aamma Rikke SUMH-imeersoq saqqummiisuupput:  

Qulequtaa toorlugu inuusuttut politikkikkut inassuteqaataat misissuataakkit

Nutaanik isumassarsiorluni ingerlataqartut eqimattat, assit atorlugit inuusuttuulluni innarluuteqarluni ikiuutinik ataqatigiissumillu sullinneqarnissamik amingaateqartarnermut tunngasumik takutitserusuttoqarpoq. Inuusuttut tusaaneqanngitsutut paasineqanngitsutullu misigisarnertik assini takutinniarpaat, peqataapput Pernaat, Petra aamma Ellen.  

"Naak pisinnaatitaaffikka" 

"Avaqqullunga aalajangiisarinerit unitsilli"

"Iluamik sullinniartigut inooqataavugut!"

Avannaamioqatigiit inuusuttut pisortani sullissisunik naapitsinerminni misigisussutsit eqqarsaatillu pigilersakkatik allagartani takutippaat. 

Nutaamik isumassarsiorlutik ingerlataqartut “sullissisunut spilli” inerisarpaat. Spillimi peqataasunit maluginiarneqassaaq, inuusuttuulluni innarluuteqarluni immikkut pisariaqartitsinermi sullinniarneqarnermi qanoq misiginarsinnaasarnersoq. Rasmus, William aamma Nicoliinnguaq suliamik saqqummiisuupput. 

Nutaamik isumassarsiorluni suleqataasoq Nico Cortzen "sullissisut spillianni" ilusilersueqataavoq. 

Kalaallit Inuusuttut Innarluutillit Peqatigiiffiat KIIP arfininngornermi novemberip 13.-anni pilersinneqarpoq. Siulittaasunngortup Ellen Møllerip Siulersuisunngortut ilisaritippai kiisalu peqatigiiffiup siunertaa saqqummiullugu. KIIP-imi siulersuisut: 

Nicoliinnguaq Cortzen, Jørna Maria Larsen, Marita Jessen, Ellen Møller aamma Angutitaq Petersen. Uani facebook quppernerat takuuk: https://www.facebook.com/KIIP-Kalaallit-Inuusuttut-Innarluutillit-Peqatigiiffiat-107174021785794/

KIIP tapersersorumallugu tajaliorneq. Nutaanik isumassarsiorlutik ingerlatsisut peqatigiiffinngortumut tapersersuiumallutik, kiisalu inuusuttut innarluutillit kisimiinngitsut, assigiinngissuseq aamma allatuulli naleqarneq ersersinniarlugu tajaliussapput. KIIP-imut tapersersuisut aamma tajarsisinnaassallutik. Isumassarsiamik saqqummiisuuvoq Karina Rasmussen, tajamullu isumassarsiamut assersuummik siullermik Suusi Ostermann tunniussisuuvoq. 

KIIP tapersersorniarlugu tajaq suliarineqarpoq. Tassani oqariartuutigineqarluni inuusuttut innarluutillit kisimiinngitsut, allatuulli naleqartut aamma assigiinngissuseq. Tapersersuisunullu aamma tajaliortoqassaaq. Uani Suusi Ostermannip tajassamut isumassarsiaq siulleq borgmester Malik Berthelsenimut tunniuppaa, taanna neriorsuivoq peqatigiiffimmut tapersersuilluni tajarsiumaarluni

Inuusuttut innarluutillit atugaat politikkikkut sammineqassasut
Inuusuttut naapinnerat oqariartuuteqarnerannik kinguneqarniartussaavoq, tamannalu Hotel Søma-mi novemberip 14-ani pissaaq. Aaqqissuisuniit Qeqqata Kommuniani borgmesteri, innarluuteqarnermut suliassaqarfimmi susassaqartut minnerunngitsumillu Meeqqanut, inuusuttunut ilaqutariinullu naalakkersuisoq qaaqquneqarput. Hotel Sømamut takkunnikkut aammali nittartakkakkut attaveqarfitsigut peqataasoqarsinnaassalluni. Inuusuttut naapinnerminni workshoppini angusatik, tassa inuusuttut inuiaqatigiinni peqataatinneqarnissaannut qanoq iliuuseqartoqarnissaanik oqariartuuteqassapput.

Tiliumiit inuusuttut naapinnerat iluatsillugu sunniiniartoqassaaq nunatsinni inuusuttut innarluutillit attaveqarfiliornissaat anguniarlugu. Politikkikkut oqallinnerni inuusuttut isummersortarnissaat pisariaqarmat. Inuusuttut 21-t pisinnaatitaaffiit aamma aaqqissuisarneq pillugu sungiusarnermikkut ulluinnarni akimmiffigisartakkaminnut iliuuseqarnissamut kajumissaarneqassapput, aamma peqataatinneqartarnissamut ileqqoqartoqalernissaanut suliniaqataatillugit, soorlu aamma politikkikkut oqallinnerni oqalliseqataasalernissaat anguniarneqassalluni. Taamaasillutik najukkaminni, nunatsinni aamma nunani avannarlerni allannguinissamut suleqataanissaminnut piginnaasaqalerlutik-

Inuusuttut naapinissaat Arctic Indigenous Fundimit, Nordisk Kulturkontaktimit, Nordic Youth Pool-imit, NAPAmit aamma Nordisk Velfærdscenterimit aningaasaliiffigineqarpoq.

Avannaamioqatigiit inuusuttut naapinnerini skema toorlugu imarisai takukkit

Pingasunngorneq novemberip 11.-at

Nal.: 12.00-13.00

Ullup qeqqasiorneq Hotel Sømami

Nal.: 13.00-15:30

Inunnut innarluutilinnut sullissivimmut Pissassarfimmut pulaarneq

Nal.: 15:30-16.30

Unillatsiarneq

Nal.: 16.30-18.00

Inuusuttut peqataasussat Sisimiuni tamakkersimalerput

Nal.: 18.30- 19.30

Hotel Sømami unnukkorsioqatigiinneq immitsinnut ilisareqatigiinneq

Sisamanngorneq novemberip 12.-at

Nal.: 10.00-12.00

Taseralimmi ataatsimiittarfimmi ulluni tulliuttuni pisussat

Inuit innarluutillit pillugit isumaqatigiissut pillugu workshop aamma ulluni tulliuttuni workshopperfissamik toqqaaneq

Nal.: 12.00-13.00

Ullup qeqqasiorneq Taseralimmi

Nal.: 13.00-15.30

Workshop: Nutaanik isumassarsiorluni ingerlataqarneq – sammisamik ilisarititsineq aamma suliassanut
brainstorm

Imaluunniit

Workshop: Politikkikkut suliniarneqilisarititsineq suliassanullu
brainstorm

Nal. 15.30-16.30

Unillatsiarneq 

Nal.: 16.30-18.00

Soqutiginnittunut sammisassaq:
Misilittakkanik avitseqatigiinneq
soorlu ulluinnarni pisartut ikiuutillu

Nal.: 18.30- 19.30

Hotel Sømami unnukkorsioqatigiinneq 

Tallimanngorneq novemberip 13.-at

Nal.: 10.00-12.00

Hotel Sømami ataatsimiittarfimmi 

Ullaakkut takkulluni nalunaarneq
Attaveqatigiinneq pillugu Workshop: Sif Holst Danske Handicaporganisationerimiit aamma Carina Hartmayer SUMH-imiit saqqumiisoralugit

Nal.: 12.00-13.00

Hotel Sømami ullup qeqqasiorneq 

Nal.: 13.00-15.30

Workshop: Nutaanik isumassarsiorluni ingerlataqarneq
– Isumassarsiallu aallaavigalugit iliuuseqarneq
Imaluunniit
Workshop: Politikkikkut suliniarneq– Politikkikkut
suleriaatsit suleqatigiinnerlu

Nal. 15.30-16.30

Unillatsiarneq 

Nal.: 16.30-18.00

Soqutiginnittunut sammisassaq:
atoqatigiittarneq sammillugu
workshop saqqummiinerlu

Nal.: 18.30- 19.30

Hotel Sømami unnukkorsioqatigiinneq 

Arfininngorneq novemberip 13.-at

Nal.: 10.00-12.00

Hotel Sømami ataatsimiittarfimmi                        ullaakkut takkulluni nalunaarneq 

Suliniutinik killiffimmiik ingerlaqqinneq aamma
attaveqatigiinnermut workshop 

Sulineq: Isumassarsiorluni ingerlatsineq aamma politikkikkut suliniarneq

Nal.: 12.00-13.00

Hotel Sømami ullup qeqqasiorneq 

Nal.: 13.00-15.30

Attaveqarfeqarneq pillugu Workshop: ISI-miit Karina
Rasmussen saqqumiisoralugu
Kalaallit Nunaanni Avannaamioqatigiillu inuusuttut
attaveqaateqarfeqalernissaat

Nal. 15.30-18.00

Sunngiffik

Nal.: 18.30- 19.30

Hotel Sømami unnukkorsioqatigiinneq 

Sapaat novemberip 14.-at

Nal.: 10.00-12.00

Sulineq imaluunniit sunngiffeqarneq

Nal.: 12.00

Hotel Sømami ullup qeqqasiorneq

Nal.: 12.30-14.00

Hotel Sømami ataatsimiittarfimmi

Tamanut ammasumik oqariartuutinik saqqummiineq

Nal.: 14.00-18.30

Sunngiffeqarneq

Nal.: 18.30

GALLA Nerersuarneq

Inuusuttut naapinissaat Arctic Indigenous Fundimit, Nordisk Kulturkontaktimit, Nordic Youth Pool-imit, NAPAmit aamma Nordisk Velfærdscenterimit aningaasaliiffigineqarpoq.